Сахадин,мен да кесимча бир жазайым, Тауча
Не керекди тиширыугъа?
Хар тиширыу да кесича энчи болгъаны себепли, хар бирибизни да халибиз, жашаудан ангылауубуз, сынауубуз, дуниягъа кёз къарамыбыз да башхады...
Кесими юсюмде:
1. 8 жылдан 12 жылгъа дери
"Ох, къалай игиди жашау, аш - кийим къайгъы жокъ, окъуугъа барама, юйге келеме, барчы - келчи, китап - дефтер, жукълайма.
Атам - анам бар къайгъымы этедиле, кесиме жетдирмейдиле.
2. 12 жылдан 15 жылгъа дери
Болсада, ох къалай иги ТЮЙЮЛДЮ ЖАШАУ, тынч дерик эдим. Къыйынды...
Атанг - ананг ёмюрлюк тюйюлдюле, заман кезиудю, атангы бийик сыйын, ариу атын сакъларгъа - борчунг, атын айтдырыргъа итиниуюнг а бир такъыйкъагъа эсингден кетмейди.
3. 15 жылдан 20 дери
Атам айтыучу эди манга:"Кимге барама десенг да, тыярыкъ тюйюлме, артда къыйналсанг, сен этген эдинг деп турлукъса, алай а талай жылдан манга тарыгъа келме. Бусагъатда тиширыула тёзюмчюздюле, юйюр къурап, жашау этер ючюн а сюймекликден сора тёзюмлюк да керекди, бир бирни сыйлау, ангыларгъа излеу, ансыз юйюр юйюр болмайды! "
Заман ёте, мен да ёсе, сагъышларым ,акъылым да тюрлене, неге келдим?
Окъуулармда окъуйма!
Ишимде ишлейме!
Назмуларымы жазама!
НЕГЕ? КИМГЕ? НЕК?
Тамбла да жашауум былай барлыгъына ким шагъатлыкъ эталлыкъды? БИР КИШИ ДА УГЪАЙ!
Окъууларымы окъуп бошап, юйюр къурарма деген акъыл а келе - кете...
Ол кюннге жетмей къалсам а?
Да сора бюгюнюм бла нек жашамайма да?
Бусагъатда къолумдан келген затны асырап турургъа нек керекме? Миллетде сёз барды: иги ишни болжалгъа салма, аман ишни болжалдан алма! Ма ол сёзлеге сыйынмайбыз да миллетибиз андан аз болуп, бирлик табалмай турады!
Хау, не да игиди, алай а не сюйюп окъугъан окъууларынг, сюйюп ишлеген ишинг, ёхтемленип къолунга алгъан китапларынг, назмуларынг насп бермейдиле! Бере эселе да жангыз къууанч, аны да бир ауукъ заманнга!
Юйюр къурап, бир ата - анангы юсюне энтта да бир ата бла бир ана къошулуп, кесинг да насыплы болуп дагъыда бир адамны да насыплы этсенг - МА ОЛДУ НАСЫП! Ма олду кетмезлик, къурумазлыкъ, тас болмазлыкъ!
Санга киши айтмайды, къой окъууланы, ишни, олтур юйде деп!
Бусагъатда тиширыула бурун замандача юйде олтуруп турмайдыла. Къаллай бир затха жетишала эсенг да, аяма!!! Алай а ол затла баш иенги тукъумуну барыууна чырмау болмасынла!