- Баргъанынга кёре болур келгенинг.
- Ойнай билмеген, оюн бузар.
- Ач отунчуну ачыуу – бурнунда.
- Сёз садакъдан кючлюдю.
- Ата – баланы уясы.
- Адеб джокъда, намыс джокъ.
- Бети бедерден, намыс сакълама.
- Джаш къарыу бла кючлю, къарт акъыл бла кючлю.
- Кийимни бичсенг, кенг бич, тар этген къыйын тюлдю.
- Аз сёлешген, къайгъысыз турур.
- Билимли ёлмез, билимсиз кёрмез.
- Тёрде – темир таякълы, къаяда – чыпчыкъ аякълы.
- Эл ауузу – элек, анга ийнаннган – халек.
- Ким бла джюрюсенг, аны кёзю бла кёрюнюрсе.
- Къая джолда джортма, ачыкъ сёзден къоркъма.
- Ашхы адам – халкъ байлыгъы, ашхы джер – джашау байлыгъы.
- Келлик заман – къартлыкъ келтирир, кетген заман – джашлыкъ ёлтюрюр.
- Арба аугъандан сора, джол кёргюзтюучю кёб болур.
- Байлыкъ тауусулур, билим тауусулмаз.
- Къартны бурнун сюрт да, оноугъа тут.
- Джарлы тюеге минсе да, ит къабар.
- Ата Джуртча джер болмаз, туугъан элча эл болмаз.
- Джарлыны эшигин махтагъан джабар.
- Ариу сёз джыланны орнундан чыгъарыр.
- Аз сёлеш, кёб ишле.
- Тенги кёбню джау алмаз, акъылы кёбню дау алмаз.
- Экеу тутушса, биреу джыгъылыр.
- Баш – акъыл ючюн, акъылман – халкъ ючюн.
- Суугъа – таянма, джаугъа – ийнанма.
- Иши джокъну, сыйы джокъ.
- Кечеси – аяз, кюню – къыш, джарлы къаргъагъа бир аш тюш!
- Тёрдеги кюлсе, эшикдеги ышарыр.
- Телиге от эт десенг, юйюнге от салыр.
- Ашхы – джыяр, аман – джояр.
- Тил – кесген бычакъ, сёз – атылгъан окъ.
- Ач келгенни – тойдур, кеч келгенни – къондур.
- Аман киши кеси юйюнде – къонакъ.
- Келгинчи, къонакъ уялыр, келгенден сора, къонакъбай уялыр.
- Кимни – тили, тиши онглу, кимни – къолу, иши онглу.
- Игини сыйлагъан адетди.
- Элде адам къалмаса, ит тахтагъа минер.
- Арбаз къынгырды да, ийнек сауалмайма.
- Ойнаб айтсанг да, эслеб айт.
- Аз айтсам, кёб ангылагъыз.
- Ашда уялгъан – мухар, ишде уялгъан – хомух.
- Иги бла джюрюсенг, джетерсе муратынга, аман бла джюрюсенг, къалырса уятха.
- Джарлыны тону джаз битер.
- Ачыкъ джюрекге джол – ачыкъ.
- Билеги кючлю, бирни джыгъар, билими кючлю, мингни джыгъар.
- Джангызны оту джарыкъ джанмаз!
Профиль
|
|
|||