Эльбрусоид :: Форум

Адамны аманы адамны бети бла ойнар.
Бек ашыкъгъан меннге джетсин, дегенди аракъы.
Керек ташны ауурлугъу джокъ.
Аджаллыгъа окъсуз шкок атылыр.
Джашлыкъ этмеген, башлыкъ этмез.
Адам туугъан джеринде, ит тойгъан джеринде.
Тилчиден кери бол.
Ашыкъгъан cуу, тенгизге джетмез.
Аджашхан тёгерек айланыр.
Чомарт къонакъ юй иесин сыйлар.
Тойгъанлыкъ къойгъа джарашады.
Билимли ёлмез, билимсиз кёрмез.
Эски джаугъа ышанма.
Тойгъан джерге джети къайт.
Тенгинг джокъ эсе – изле, бар эсе – сакъла!
Гугук кесини атын айтыб къычыргъанча, мен, мен деб нек тураса?
Къозулугъунда тоймагъан, къойлугъунда тоймаз.
Адам бла мюлк юлешмеген эсенг, ол адамны билиб бошагъанма, деб кесинги алдама.
Джаш къарыу бла кючлю, къарт акъыл бла кючлю.
Тас болгъан бычакъны сабы – алтын.
Эки къатын алгъан – эки ташны ортасына башын салгъан.
Къайгъыны сюйген, къайгъы табар.
Аманны къуугъан, аманлыкъ табар.
Кёзню ачылгъаны – иги, ауузну джабылгъаны – иги.
Берекет берсин деген джерде, берекет болур.
Джуртун къоругъан озар.
Юй ишлеген балта эшикде къалыр.
Aдам боллукъ, сыфатындан белгили.
Билмейме деген – бир сёз
Иги бла джюрюсенг, джетерсе муратынга, аман бла джюрюсенг, къалырса уятха.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Адебни адебсизден юрен.
Ауругъан – джашаудан умутчу.
Мухардан ач ычхынмаз.
Алтыда кюлмеген, алтмышда кюлмез.
Тойгъа барсанг, тоюб бар, эски тонунгу къоюб бар.
Иги – алгъыш этер, аман – къаргъыш этер.
Эки къатын алгъанны къулагъы тынгнгаймаз.
Биреуню эскиси биреуге джангы болмайды.
Айранны сюйген, ийнек тутар.
Тёзгеннге, джабылгъан эшик ачылыр.
Акъыл сабырлыкъ берир.
Къызбайны юйюне дери сюрсенг, батыр болур.
Ишни ахырын ойламай, аллын башлама.
Адам къыйынлыгъын кёлтюрюр, зауукълугъун кёлтюрмез.
Киштикге къанат битсе, чыпчыкъ къалмаз эди.
Малны кют, джерни тюрт.
Тюзлюк тас болмайды.
Башы ишлегенни, ауузу да ишлер.
Адамны бетине къарама, адетине къара.

Логин:
Пароль:
	Запомнить меня на этом компьютере

Забыли свой пароль?
Регистрация