- Этни бети бла шорпасы.
- Адеби болмагъан къыз – тузсуз хант.
- Асхат ашлыкъ сата, юйдегиси ачдан къата.
- Тура эдим джата, къайдан чыкъды хата?
- Эки элинги тыйсанг, джети элде махталырса.
- Ушамагъан – джукъмаз.
- Айтханы чапыракъдан ётмеген.
- Гыдай эчки суугъа къараб, мюйюзле кёрмесе, джашма алкъын, дегенди.
- Акъыллы – эл иеси, тели – эл баласы.
- Ёлмесенг да, къарт дамы болмазса?
- Ариу сёз – къылычдан джити.
- Кютгени беш эчки, сызгъыргъаны уа, джерни джарады.
- Байлыкъ адамны сокъур этер.
- Хаухну атма, ёнгкючню сатма.
- Таукел адам тау тешер.
- Ёпкелегенни ашы татлы болады.
- Къайгъы тюбю – тенгиз.
- Иги бла джюрюсенг, джетерсе муратынга, аман бла джюрюсенг, къалырса уятха.
- Аз сёлеш, кёб ишле.
- Кийиминг бла танылма, адамлыкъ бла таныл.
- Тенгни тенглиги джашай барсанг билинир.
- Ач отунчуну ачыуу – бурнунда.
- Чомартны къолу берекет.
- Урунуу – насыбны анасы.
- Ашыкъгъан cуу, тенгизге джетмез.
- Кюл тюбюндеги от кёрюнмейди.
- Бир абыннган – минг сюрюнюр.
- Джумушакъ терекни къурт ашар.
- Керти сёзге тёре джокъ.
- Кеси юйюмде мен да ханма.
- Игини сыйлагъан адетди.
- Оюмсуз атлагъан, аджалсыз ёлюр.
- Тойгъа барсанг, тоюб бар, эски тонунгу къоюб бар.
- Зар адам ашынгы ашар, кесинги сатар.
- Хоншуну тауугъу къаз кёрюнюр, келини къыз кёрюнюр.
- Уруну арты – къуру.
- Джаным-тиним – окъуу, билим.
- Таш бла ургъанны, аш бла ур.
- Кесине оноу эте билмеген, халкъына да эте билмез.
- Къонакъ болсанг, ийнакъ бол.
- Ариуну – ауруу кёб.
- Адеб этмеген, адеб кёрмез.
- Эли джокъну – кёлю джокъ.
- Рысхысына кёре, джаш ёсер, къышлыгъына кёре, мал ёсер.
- Ёлген аслан – сау чычхан.
- Уллу сёлешме да, уллу къаб.
- Экеулен сёлеше тура эселе, орталарына барыб кирме.
- Терслик кетер, тюзлюк джетер.
- Тилчиден кери бол.
- Кесинг сынамагъан затны, адамгъа буюрма.
Профиль
|
|
|||