- Ач къарынны, токъ билмез
- Тюзлюк тас болмайды.
- Тенгни тенглиги джашай барсанг билинир.
- Бек ашыкъгъан меннге джетсин, дегенди аракъы.
- Мухарны эси – ашарыкъда.
- Акъыл сабырлыкъ берир.
- Атынг аманнга чыкъгъандан эсе, джанынг тамагъынгдан чыкъсын.
- Aдам боллукъ, сыфатындан белгили.
- Телиге акъыл салгъандан эсе, ёлгеннге джан салырса.
- Ёмюрлюк шохлукъну джел элтмез.
- Джюрекден джюрекге джол барды.
- Джаханимни кёрмей, джандетге кёл салмазса.
- Ишни аллы бла къууанма да, арты бла къууан.
- Кёз – сюйген джерде, къол – ауругъан джерде.
- Тилсиз миллет джокъ болур.
- Алтыда кюлмеген, алтмышда кюлмез.
- Ашлыкъ – бюртюкден, джюн – тюкден.
- Къатын байлыкъны сюер, эр саулукъну сюер.
- Малны кют, джерни тюрт.
- Окъугъанны бети джарыкъ.
- Кийиминг бла танылма, адамлыкъ бла таныл.
- Джан саулукъ бермей, сан саулукъ бермезсе.
- Бал чибинни ургъаны – ачы, балы – татлы.
- Тойгъан джерге джети къайт.
- Керти сёзге тёре джокъ.
- Адам сёзге тынгыла, акъыл сёзню ангыла.
- Кимни – тили, тиши онглу, кимни – къолу, иши онглу.
- Садакъачыны джаны – къапчыгъында.
- Иги сёз – джаннга азыкъ, аман сёз башха – къазыкъ.
- Баш – акъыл ючюн, акъылман – халкъ ючюн.
- Кёлю джокъну – джолу джокъ.
- Адамны аманы адамны бети бла ойнар.
- Эринчекни эр алмаз, эр алса да, кёл салмаз, кёл салса да, кёб бармаз!
- Бир абыннган – минг сюрюнюр.
- Ачлыкъ отха секиртир.
- Эски джаугъа ышанма.
- Айтылгъан буйрукъ, сёгюлмез
- Кесинге джетмегенни, кёб сёлешме.
- Нарт сёз къарт болмаз.
- Тамчы таш тешер.
- Ишлерге уял да, ашаргъа табма.
- Сормай – алма, чакъырылмай – барма.
- Сёз – кюмюш, джыр – алтын.
- Бек анасы джыламаз.
- Тойгъанлыкъ къойгъа джарашады.
- Баргъанынга кёре болур келгенинг.
- Байлыкъ болгъан джерде, тынчлыкъ джокъду.
- Гугурук къычырмаса да, тангны атары къалмаз.
- От этилмеген джерден тютюн чыкъмайды.
- Тели турса – той бузар.
Профиль
|
targetsigh1
 Эльбрусоид
Баллов: 0
Регистрация: 01.11.2021
Последний визит: 01.11.2021 14:33:26
|
|
||||||||
|
|
|
||||||||