- «Ёгюз, джаргъа джууукъ барма, меннге джюк боллукъса», - дегенди эшек.
- Рысхы – насыбха къор.
- Нарт сёз – тилни бети.
- Ишин билген, аны сыйын чыгъарады.
- Чыбыкълыкъда бюгюлмеген, къазыкълыкъда бюгюлмей эди.
- Джолунга кёре – джюрюшюнг, джагъанга кёре – юлюшюнг.
- Джахил болса анасы, не билликди баласы?
- Адамны джюреги нени кёрюрге сюйсе, кёзю да аны кёрюрге ёч болады.
- Уллу къазанда бишген эт, чий къалмаз.
- Ач да бол, токъ да бол – намысынга бек бол.
- Тойгъан джерден туугъан джер игиди.
- Урунуу – насыбны анасы.
- Бал чибинни ургъаны – ачы, балы – татлы.
- Аман адам элни бир-бирине джау этер.
- Кюн кёрмеген, кюн кёрсе, кюндюз чыракъ джандырыр.
- Ариу сёз джыланны орнундан чыгъарыр.
- Кюл тюбюндеги от кёрюнмейди.
- Кийиминг бла танылма, адамлыкъ бла таныл.
- Азыкъ аз болса, эртде орун сал.
- Бет бетге къараса, бет да джерге къарар.
- Телиге от эт десенг, юйюнге от салыр.
- Келгинчи, къонакъ уялыр, келгенден сора, къонакъбай уялыр.
- Тюзлюк тас болмайды.
- Намыс болмагъан джерде, насыб болмаз.
- Ач отунчуну ачыуу – бурнунда.
- Ашаса, ашамаса да, бёрюню ауузу – къан.
- Накъырданы арты керти болур.
- Тил – миллетни джаны.
- Къанны къан бла джуума, аманны аман бла къуума.
- Ачлыкъ отха секиртир.
- Накъырда – кертини келечиси.
- Зар адамны насыбы болмаз.
- Къатын къылыкъсыз, эр тынчлыкъсыз.
- Бал ашаргъа сюе эсенг, чибин ургъаннга тёз.
- Билимсиз иш бармаз.
- Окъуу – билимни ачхычы, окъуу – дунияны бачхычы.
- Чомарт къолда мал къалмаз.
- Намыс сатылыб алынмайды.
- Адамны сыфатына къарама, сёзюне къара.
- Кёлсюзден сёзсюз тууар.
- Кёл ашады да, кеси ашады.
- Къыйынлы джети элге оноу этер.
- Элде адам къалмаса, ит тахтагъа минер.
- Джылыгъа джылан илешир.
- Гыдай эчки суугъа къараб, мюйюзле кёрмесе, джашма алкъын, дегенди.
- Ашхы – джыяр, аман – джояр.
- Тенгни тенглиги джашай барсанг билинир.
- Билим къая тешер.
- Эки къатын алгъанны къулагъы тынгнгаймаз.
- Аман къатын сабий табса, бий болур…
Профиль
|
|
|||