- Ётюрюкден тюбю джокъ, кёлтюрюрге джиби джокъ.
- Ауругъан – джашаудан умутчу.
- Ёмюрлюк шохлукъну джел элтмез.
- Тенги кёбню джау алмаз, акъылы кёбню дау алмаз.
- Мени джылытмагъан кюн, меннге тиймесин!
- Бал ашаргъа сюе эсенг, чибин ургъаннга тёз.
- Айтхан сёзюне табылгъан.
- Тамчы таш тешер.
- Ач, тоймам, дейди, тойгъан, ач болмам, дейди.
- Кёрмегеннге кебек – танг, битмегеннге сакъал – танг.
- Аш иеси бла татлыды.
- Ашха уста, юйюнде болсун
- Эркиши – от, тиширыу – суу.
- Айыбны суу бла джууалмазса.
- Ат да турмайды бир териде.
- Аман адам элни бир-бирине джау этер.
- Къонакъ кёб келюучю юйню, къазаны отдан тюшмез.
- Къартны сыйын кёрмеген, къартлыгъында сыйлы болмаз.
- Ёлген аслан – сау чычхан.
- Чомарт къонакъ юй иесин сыйлар.
- Къозулугъунда тоймагъан, къойлугъунда тоймаз.
- Терек ауса, отунчу – кёб.
- Ышармагъан – кюлмез, кюлмеген – къууанчны билмез.
- Хаухну атма, ёнгкючню сатма.
- Бёрю да ач къалмасын, эчки да ашалмасын.
- Байдан умут эте, джарлыдан ёгюз багъасы къорады.
- Чомартны къолун джокълукъ байлар.
- Къайгъыны сюйген, къайгъы табар.
- Зарда марда джокъ.
- Азыкълы ат арымаз, къатыны аман джарымаз.
- Хансыз джомакъ болмаз.
- Ариу сёз джыланны орнундан чыгъарыр.
- Джырчы джырчыгъа – къарнаш.
- Сормай – алма, чакъырылмай – барма.
- Кесине оноу эте билмеген, халкъына да эте билмез.
- Эки къатын алгъан – эки ташны ортасына башын салгъан.
- Сакъалы текени да бар, мыйыгъы киштикни да бар.
- Джаханимни кёрмей, джандетге кёл салмазса.
- Билими азны – ауузунда кирит.
- Къарт болгъан джерде, берекет болур, сабий болгъан джерде, оюн болур.
- Айтханы чапыракъдан ётмеген.
- Къыз чыгъаргъан – къызыл къымжа.
- Тилде сюек болмаса да, сюек сындырыр.
- Ариу джол аджал келтирмез.
- Берекет берсин деген джерде, берекет болур.
- Ашхы тенг джолгъа салыр, аман тенг джолдан тайдырыр.
- Чакъырылмагъан джерге барма, чакъырылгъан джерден къалма.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Байлыкъ тауусулур, билим тауусулмаз.
- Рысхы – сют юсюнде кёмюк кибикди.
Профиль
|
||||