- Бет бетге къараса, бет да джерге къарар.
- Окъ къызбайны джокълайды.
- Эри аманны, къатыны – аман.
- Орну джокъну – сыйы джокъ.
- Айраннга суу къош, телиге джол бош.
- Рысхы джалгъанды: келген да этер, кетген да этер.
- Бал ашаргъа сюе эсенг, чибин ургъаннга тёз.
- Иги сёз – джаннга азыкъ, аман сёз башха – къазыкъ.
- Башынга джетмегенни сорма.
- Кёбню кёрген – кёб билир.
- Насыб бютеу халкъны юлюшюдю.
- Билмезни кёзю кёрмез, этмезни къулагъы эшитмез.
- Танг атмайма десе да, кюн къоярыкъ тюйюлдю.
- Ёлген эшек бёрюден къоркъмайды.
- Кийимни бир кюнню аясанг, минг кюннге джарар.
- Ойнай билмеген, оюн бузар.
- Джумушакъ сёз къаты таякъны сындырыр.
- Сёз – кюмюш, джыр – алтын.
- Мал ёлсе, сюек къалыр, адам ёлсе, иши къалыр.
- Таш ата билмеген, башына урур.
- Эте билген, этген этеди, эте билмеген, юретген этеди!
- Тёрени джагъы джокъ.
- Ариу сёз аурууунгу алыр.
- Суу да къайтады чыкъгъан джерине.
- Ачлыкъда тары гырджын халыуадан татлы.
- Къыйынлы джети элге оноу этер.
- Тёгюлген тюгел джыйылмайды.
- Гугурук къычырмаса да, тангны атары къалмаз.
- Байлыкъ адамны сокъур этер.
- Сакъламагъан затынга джолукъсанг, не бек къууанаса, не бек ачыйса.
- Халкъны джырын джырласанг, халкъ санга эжиу этер.
- Ханы къызы буюгъа-буюгъа киштик болду.
- Ауругъанны сау билмез, ач къарынны токъ билмез.
- Атлыны кёрсе, джаяуну буту талыр.
- Къайтырыкъ эшигинги, къаты уруб чыкъма.
- Ашыкъгъанны этеги бутуна чырмалыр.
- Артына баргъанны, къатына барма.
- Къолу уллу – асыу, аягъы уллу – джарсыу.
- Айранны сюйген, ийнек тутар.
- Джети тилни билген джети кишиди.
- Тюкюрюк баш джармаз, налат кёз чыгъармаз!
- Уруну арты – къуру.
- Къарнынг къанлынга кийирир.
- Ауузу аманнга «иги», деме.
- Босагъа таш юйге кирмей эди, тыбыр таш эшикге чыкъмай эди.
- Хазыр ашха – терен къашыкъ.
- Тай асырагъан, атха минер.
- Бюгюн дуния кибик, тамбла ахыратды.
- Хаухну атма, ёнгкючню сатма.
- Билимден уллу байлыкъ джокъду.
Профиль
|
||||