Эльбрусоид :: Форум

Джашны джигитлиги сорулур, къызны джигерлиги сорулур.
Джаш болсун, къыз болсун, акъылы, саны тюз болсун.
Телиге от эт десенг, юйюнге от салыр.
Экиндини кеч къылсанг, чабыб джетер ашхам.
Ашда уялгъан – мухар, ишде уялгъан – хомух.
Ишлегенден, къарагъан уста.
Билимсиз иш бармаз.
Азыкъ аз болса, эртде орун сал.
Чомартха хар кюн да байрамды.
Ётген ёмюр – акъгъан суу.
Тамбла алтындан бюгюн багъыр ашхы.
Къатын байлыкъны сюер, эр саулукъну сюер.
Сёз сёзню айтдырыр.
Эркиши – от, тиширыу – суу.
Кютгени беш эчки, сызгъыргъаны уа, джерни джарады.
Кийиминг бла танылма, адамлыкъ бла таныл.
Ишге юренсин къоллары, халкъ бла болсун джоллары.
Олтуруб кёрюнмей эди да, ёрге туруб кёрюне эди.
Эки итни арасына сюек атма, эки адамны арасында сёз чыгъарма.
Тойгъандан сора, ашны сёкме.
Чакъырылмагъан джерге барма, чакъырылгъан джерден къалма.
Ачыу алгъа келсе, акъыл артха къалады.
Чакъырылмагъан къонакъ тёрге атламаз.
Байма, деб да, къууанма, джарлыма, деб да, джылама.
Ойнай билмеген, оюн бузар.
Аджаллыгъа окъсуз шкок атылыр.
Ач къалгъандан, кеч къалгъан къолай.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Игини сыйлагъан адетди.
Биреу ашаб къутулур, биреу джалаб тутулур.
Ёлген ийнек сютлю болур.
Бозанг болмагъан джерге, къалагъынгы сукъма.
Билим къая тешер.
Джаралыны джастыгъында сау ёлюр.
Тёрдеги кюлсе, эшикдеги ышарыр.
Бети – къучакълар, джюреги – бычакълар.
Ауругъанны сау билмез, ач къарынны токъ билмез.
Намыс болмагъан джерде, насыб болмаз.
Чабакъ башындан чирийди.
Биреуге кёлтюрген таягъынг, кесинги башынга урур.
Окъугъанны бети джарыкъ.
Орну джокъну – сыйы джокъ.
Эки къатын алгъан – эки ташны ортасына башын салгъан.
Тёрде – темир таякълы, къаяда – чыпчыкъ аякълы.
Эринчекни аурууу – кёб.
Ёлген эшек бёрюден къоркъмайды.
Кёбден умут этиб, аздан къуру къалма.
Ачлыкъ отха секиртир.
Терек ауса, отунчу – кёб.
Кюн кёрмеген, кюн кёрсе, кюндюз чыракъ джандырыр.

Логин:
Пароль:
	Запомнить меня на этом компьютере

Забыли свой пароль?
Регистрация