- Рысхы – сют юсюнде кёмюк кибикди.
- Мен да «сен», дейме, сен да «кесим», дейсе.
- Аш хазыр болса, иш харам болур.
- Тойгъан джерден туугъан джер игиди.
- Намыс болмагъан джерде, насыб болмаз.
- Аджалсыз ёлюм болмаз.
- Хар адамгъа кеси миннген тау кибик.
- Къыз келсе, джумуш эте келеди, къатын келсе, ушакъ эте келеди.
- Накъырда – кертини келечиси.
- Ёлмесенг да, къарт дамы болмазса?
- Кёкдеги болмаса, джердегин кёрмейди.
- Сёлеш деб шай берген, тохта деб, сом берген.
- Ашыкъгъан cуу, тенгизге джетмез.
- Айырылмаз джууугъунга, унутмаз сёзню айтма.
- Дуния малгъа сатылма, кесингден телиге къатылма.
- Айран ичген – къутулду, джугъусун джалагъан – тутулду.
- Айныгъанлы алты кюн, тогъайгъанлы тогъуз кюн.
- Эм ашхы къайын ана мамукъ бла башынгы тешер.
- Адеб джокъда, намыс джокъ.
- Мухардан ач ычхынмаз.
- Тойну къарнашы – харс, джырны къарнашы – эжиу.
- Адам къаллай бир ишленмесе, аллай бир кесин уллу кёреди.
- Чомарт къонакъ юй иесин сыйлар.
- Окъдан джара эртде-кеч болса да бителир, сёз джара, ёмюрге къалыр.
- Адамны бетине къарама, адетине къара.
- Ашха уста, юйюнде болсун
- Азыкълы ат арымаз, къатыны аман джарымаз.
- Таукелге нюр джауар.
- Байны оноуу, джарлыгъа джарамаз.
- Айран тёгюлсе, джугъусу къалыр.
- Ата – баланы уясы.
- Адамны артындан къара сабан сюрме.
- Аджал соруб келмез, келсе, къайтыб кетмез.
- Ашына кёре табагъы, балына кёре къалагъы.
- Джыйырма къойну юч джыйырма эбзе кюте эди.
- Джан саулукъ бермей, сан саулукъ бермезсе.
- Ачыу алгъа келсе, акъыл артха къалады.
- Къартны сыйын кёрмеген, къартлыгъында сыйлы болмаз.
- Тойгъандан сора, ашны сёкме.
- Джашлыкъ этмеген, башлыкъ этмез.
- Къатын байлыкъны сюер, эр саулукъну сюер.
- Байдан умут эте, джарлыдан ёгюз багъасы къорады.
- Сагъыш – къартлыкъгъа сюйюмчю.
- Джеринден айырылгъан – джети джылар, джуртундан айырылгъан – ёлгюнчю джылар.
- Ач, тоймам, дейди, тойгъан, ач болмам, дейди.
- Эр абынмай, эл танымаз.
- Аман эсирсе, юйюн ояр.
- Тёрдеги кюлсе, эшикдеги ышарыр.
- Асхат ашлыкъ сата, юйдегиси ачдан къата.
- Кёрмегеннге кебек – танг, битмегеннге сакъал – танг.
Профиль
|
|
|||