- Ариу сёз джыланны орнундан чыгъарыр.
- Къуллукъчума, деб махтанма, къуллукъ – хаух джамчыды!
- Къатын байлыкъны сюер, эр саулукъну сюер.
- Аз сёлешген, къайгъысыз турур.
- Къайгъы тюбю – тенгиз.
- Тёрдеги кюлсе, эшикдеги ышарыр.
- Адамны джюреги нени кёрюрге сюйсе, кёзю да аны кёрюрге ёч болады.
- Бойнуму джети джерден кессенг да, мен ол ишни этеллик тюлме.
- Биреуге аманлыкъны тилеме да, кесинге ашхылыкъны тиле.
- Джырчы ёлсе, джыры къалыр.
- Бек ашыкъгъан меннге джетсин, дегенди аракъы.
- Байны оноуу, джарлыгъа джарамаз.
- Гитче джилтин уллу элни джандырыр.
- Бастасын ашагъан, хантусун да ичер.
- Байлыкъ адамны сокъур этер.
- Татлы тилде – сёз ариу, чемер къолда – иш ариу.
- Сабийни джумушха джибер да, ызындан бар.
- Ач къарным, тынч къулагъым.
- Бети – къучакълар, джюреги – бычакълар.
- Ётюрюк хапар аякъ тюбю бла джюрюйдю.
- Джангызны оту джарыкъ джанмаз!
- Ауурну тюбю бла, дженгилни башы бла джюрюген.
- Билим насыб берир, билим джолну керир.
- Насыблы элин сюер, насыбсыз кесин сюер.
- Тойгъанлыкъ къойгъа джарашады.
- Къыйынлы джети элни къайгъысын этер.
- Ашха уста, юйюнде болсун
- Кёлю джокъну – джолу джокъ.
- Битмегеннге сакъал – танг.
- Агъач халкъгъа алтынды, иссиликге салкъынды.
- Тойгъандан сора, ашны сёкме.
- Кёлсюзден сёзсюз тууар.
- Тойну къарнашы – харс, джырны къарнашы – эжиу.
- Ауругъаннга – кийик саулукъ, джетген къызгъа – чилле джаулукъ.
- Келгинчи, къонакъ уялыр, келгенден сора, къонакъбай уялыр.
- Ичимден чыкъды хата, къайры барайым сата?
- Экиндини кеч къылсанг, чабыб джетер ашхам.
- Кечеси – аяз, кюню – къыш, джарлы къаргъагъа бир аш тюш!
- Чомартны къолу берекет.
- Кийимни бир кюнню аясанг, минг кюннге джарар.
- Телиге от эт десенг, юйюнге от салыр.
- Таукел къуру къалмаз.
- Джылкъыдан – ат чыгъар, тукъумдан – джаш чыгъар.
- Юре билмеген ит, къонакъ келтирир.
- Тойгъан джерден туугъан джер игиди.
- Къыз келсе, джумуш эте келеди, къатын келсе, ушакъ эте келеди.
- Ётюрюкню башын керти кесер.
- Шекер бла туз – бир болмаз, ушамагъан – юй болмаз.
- Аш берме да, къаш бер.
- Юйлю уругъа ит чабмаз.
Профиль
|
|
|||