- Зар адамны насыбы болмаз.
- Кесинг сынамагъан затны, адамгъа буюрма.
- Джукъу тёшек сайламайды.
- Ашаса, ашамаса да, бёрюню ауузу – къан.
- Ургъан суудан башынгы сакъла.
- Таш бла ургъанны, аш бла ур.
- Элде адам къалмаса, ит тахтагъа минер.
- Къарнынг къанлынга кийирир.
- Аман хансны – урлугъу кёб.
- Тойгъанлыкъ къойгъа джарашады.
- Гугурук къычырмаса да, тангны атары къалмаз.
- Этни бети бла шорпасы.
- Тешигини къатында, чычхан да батыр болур.
- Айранын берсенг, челегин да къызгъанма.
- Иги адамны бир сёзю эки болмаз.
- Къартны сыйын кёрмеген, къартлыгъында сыйлы болмаз.
- Уллу сёзде уят джокъ.
- Накъырданы арты керти болур.
- Джуртун къоругъан озар.
- Кёкдеги болмаса, джердегин кёрмейди.
- Адеби болмагъан къыз – тузсуз хант.
- Алтыда кюлмеген, алтмышда кюлмез.
- Биреуню эскиси биреуге джангы болмайды.
- Бал ашаргъа сюе эсенг, чибин ургъаннга тёз.
- Кёзню ачылгъаны – иги, ауузну джабылгъаны – иги.
- Ётген ёмюр – акъгъан суу.
- Сангырау къулакъ эл бузар.
- Адамны артындан къара сабан сюрме.
- Мал ёлсе, сюек къалыр, адам ёлсе, иши къалыр.
- Зарда марда джокъ.
- Кютгени беш эчки, сызгъыргъаны уа, джерни джарады.
- Ёксюзню тилеги къабыл болур.
- Джашда акъыл джокъ, къартда къарыу джокъ.
- Адамгъа аман кюн соруб келмейди.
- Ата Джуртча джер болмаз, туугъан элча эл болмаз.
- Элни кючю – эмеген.
- Экеу тутушса, биреу джыгъылыр.
- Джылар джаш, атасыны сакъалы бла ойнар.
- Бюгюн дуния кибик, тамбла ахыратды.
- От кюйдюрген, сау болса да, тот кюйдюрген, сау болмаз.
- Эркиши – от, тиширыу – суу.
- Къарын къуру болса, джюрек уру болур.
- Кёлю джокъну – джолу джокъ.
- Эркишиге тары кебек танг кёрюнюр.
- Къошда джокъгъа – юлюш джокъ.
- Сескекли кесин билдирир.
- Нарт сёз – тилни бети.
- Чакъырылгъанны аты, чакъырылмагъанны багъасы болур.
- Эте билген, этген этеди, эте билмеген, юретген этеди!
- Ёлген аслан – сау чычхан.
Профиль
|
lessondata8
 Эльбрусоид
Баллов: 0
Регистрация: 17.03.2021
Последний визит: 17.03.2021 11:28:53
|
|
||||||||
|
|
|
||||||||