- Къаллай салам берсенг, аллай джууаб алырса.
- Артына баргъанны, къатына барма.
- Ата – билек, ана – джюрек!
- Насыб бютеу халкъны юлюшюдю.
- Телиге акъыл салгъандан эсе, ёлгеннге джан салырса.
- Къызгъанчдан ычхыныр, мухардан ычхынмаз.
- Ариу – кёзге, акъыл – джюрекге.
- Урунуу – насыбны анасы.
- Аш иеси бла татлыды.
- Ачыу алгъа келсе, акъыл артха къалады.
- Сабий болмагъан джерде, мёлек болмаз.
- Адамны сабийин сюйген джюреги, бычакъча, джитиди.
- Уясында не кёрсе, учханында аны этер.
- Ургъан суудан башынгы сакъла.
- Шайтан алдады, тюзлюк къаргъады.
- Эртде тургъан бла эртде юйленнген сокъуранмаз.
- Экиндини кеч къылсанг, чабыб джетер ашхам.
- Билмейме деген – бир сёз
- Асхат ашлыкъ сата, юйдегиси ачдан къата.
- Ханы къызы буюгъа-буюгъа киштик болду.
- Кёзю сокъурдан – къоркъма, кёлю сокъурдан – къоркъ.
- Адамгъа аман кюн соруб келмейди.
- Джылыгъа джылан илешир.
- Эл тойса, тоймагъан, эл къойса, къоймагъан.
- Кеси юйюмде мен да ханма.
- Термилгенинги табмазса, кюлгенинге тюберсе.
- Тамбла алтындан бюгюн багъыр ашхы.
- Аман эсирсе, юйюн ояр.
- Къарт айтханны этмеген, къартаймаз.
- Чабар ат – джетген къыз.
- Айтханы чапыракъдан ётмеген.
- Джарлы джети элни сёзюн этер.
- Ашхы – джыяр, аман – джояр.
- Мен да «сен», дейме, сен да «кесим», дейсе.
- Къоркъакъны кёзю экили кёрюр.
- Къыз келсе, джумуш эте келеди, къатын келсе, ушакъ эте келеди.
- «Ма», - дегенни билмесенг, «бер», - дегенни билмезсе.
- Тенгни тенглиги джашай барсанг билинир.
- Ач къарынны, токъ билмез
- Биреуге кёлтюрген таягъынг, кесинги башынга урур.
- Эр сокъур болсун, къатын тилсиз болсун.
- Окъ къызбайны джокълайды.
- Тик ёргени, тик энгишгеси да болады.
- Суу ичген шауданынга тюкюрме.
- Эл элде бирер малынг болгъандан эсе, бирер тенгинг болсун.
- Къызбайны юйюне дери сюрсенг, батыр болур.
- Сагъышы джокъ – джукъучу, акъылы джокъ – къаугъачы.
- Ишлегенден, къарагъан уста.
- Эки элинги тыйсанг, джети элде махталырса.
- Рысхысына кёре, джаш ёсер, къышлыгъына кёре, мал ёсер.
Профиль
|
|
|
|||