- Чабакъгъа акъыл, табагъа тюшсе келеди.
- Кёзден кетген, кёлден да кетеди.
- Баргъанынга кёре болур келгенинг.
- Кёл – къызбай, къол – батыр.
- Джогъун бар этген, барын бал этген.
- Гыдай эчки суугъа къараб, мюйюзле кёрмесе, джашма алкъын, дегенди.
- Кёлю джокъну – джолу джокъ.
- Ач келгенни – тойдур, кеч келгенни – къондур.
- Тойгъан джерден туугъан джер игиди.
- Чомарт джарлы болмаз.
- Чомарт бергенин айтмаз.
- Иги адам абынса да, джангылмаз.
- Душманны тышы – акъ, ичи – къара.
- Халкъны юйю – туугъан джери.
- Айтхан – тынч, этген – къыйын.
- Чакъырылмагъан къонакъ тёрге атламаз.
- Джуртун къоругъан озар.
- Рысхы – сют юсюнде кёмюк кибикди.
- Биреуге кёлтюрген таягъынг, кесинги башынга урур.
- Сёз – кюмюш, джыр – алтын.
- Эринчекге кюн узун.
- Адам сёзге тынгыла, акъыл сёзню ангыла.
- Чомарт къолда мал къалмаз.
- Аман къатын алгъан, арыр, иги къатын алгъан джарыр.
- Ашын ашагъанынгы, башын да сыйла.
- Дженгил джетерикме деб, узун джолну къоюб, къысхасын барма.
- Къалгъан ишге къар джауар.
- Къызны минг тилер, бир алыр.
- Таш ата билмеген, башына урур.
- Суугъа – чабакъ, къаягъа – ыргъакъ.
- Ана къолу ачытмаз.
- Телини эшигин, махтау джабар.
- Сёз къанатсыз учар.
- Башынга джетмегенни сорма.
- Бичгенде ашыкъма, тикгенде ашыкъ.
- Къолу уллу – асыу, аягъы уллу – джарсыу.
- Эркишиге тары кебек танг кёрюнюр.
- Аманнга алтын чыдамаз.
- Джол бла сёзню къыйыры джокъ.
- Джаханимни кёрмей, джандетге кёл салмазса.
- Аджашхан тёгерек айланыр.
- Таугъа чыгъаллыкъ эсенг, тюзде къалма.
- Ёлюк кебинсиз къалмаз.
- Джашлыкъ этмеген, башлыкъ этмез.
- Къайгъыны сюйген, къайгъы табар.
- Хаухну атма, ёнгкючню сатма.
- Ашатыргъа иш – ашхы, ишлетирге аш – ашхы.
- Юйюнгден чыкъдынг – кюнюнгден чыкъдынг.
- Адамны бетине къарама, адетине къара.
- Акъыллы башны – тили къысха.
Профиль
|
|
|||