- Ашына кёре табагъы, балына кёре къалагъы.
- Ишлерге уял да, ашаргъа табма.
- Илму – джашауну джолу.
- Адам сёзюнден белгили.
- Айыбны суу бла джууалмазса.
- Кёбге таш атма.
- Аууздан келген, къолдан келсе, ким да патчах болур эди.
- Окъугъанны бети джарыкъ.
- Къарны аманнга къазан такъдырма, къолу аманнга от джакъдырма.
- Элни кючю – эмеген.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Тилчи бир сагъатха айлыкъ хата этер.
- Кимни – тили, тиши онглу, кимни – къолу, иши онглу.
- Эркишини аманы тиширыуну джылатыр.
- Иги адамны бир сёзю эки болмаз.
- Урама да – ёледи, сатама да – келеди.
- Билим насыб берир, билим джолну керир.
- Окъ къызбайны джокълайды.
- Сакъ юйюне сау барыр.
- Биреуню къыйынлыгъы бла кесинге джол ишлеме.
- Этим кетсе да, сюегим къалыр.
- Арыгъан къош чамчы болур.
- Таукел тауну аудурур.
- Адамны артындан къара сабан сюрме.
- Мал ёлсе, сюек къалыр, адам ёлсе, иши къалыр.
- Къан бла кирген, джан бла чыгъар.
- Джерни букъусу кёкге къонмаз.
- Тилде сюек болмаса да, сюек сындырыр.
- Сескекли кесин билдирир.
- Билмейме деген – бир сёз
- Атынг аманнга чыкъгъандан эсе, джанынг тамагъынгдан чыкъсын.
- Къонакъ болсанг, ийнакъ бол.
- Танг атмайма десе да, кюн къоярыкъ тюйюлдю.
- Эм ашхы къайын ана мамукъ бла башынгы тешер.
- Окъуусуз билим – джокъ, билимсиз кюнюнг – джокъ.
- Аууз сакълагъан – джан сакълар.
- Тил – миллетни джаны.
- Хар зат кесини орнуна иги.
- Къазанда болса, чолпугъа чыгъар.
- Биреуню тёрюнден, кесинги эшик артынг игиди.
- Тюзлюк тас болмайды.
- Акъыл сабырлыкъ берир.
- Онгсузну – джакъла, тенгликни – сакъла.
- Ишин билген, аны сыйын чыгъарады.
- Юреннген ауруу къалмаз.
- Эринчекни эр алмаз, эр алса да, кёл салмаз, кёл салса да, кёб бармаз!
- Къошда джокъгъа – юлюш джокъ.
- Ашлыкъны арба юйге келтирир, чана базаргъа элтир.
- Ашыкъгъан cуу, тенгизге джетмез.
- Малны кют, джерни тюрт.
Профиль
|
|
|
|||