- Эри аманны, къатыны – аман.
- Билмейме деген – бир сёз
- Алма терегинден кери кетмез.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Нёгер болсанг, тенг бол, тенг болмасанг, кенг бол.
- Къарын къуру болса, джюрек уру болур.
- Нарт сёз къарт болмаз.
- Уллу атлама – абынырса, уллу къабма – къарылырса.
- Кёзю сокъурдан – къоркъма, кёлю сокъурдан – къоркъ.
- Кёл ашады да, кеси ашады.
- Тыш элде солтан болгъандан эсе, кесинги элде олтан болгъан игиди!
- Битмегеннге сакъал – танг.
- Керти сёзге тёре джокъ.
- Абынмазлыкъ аякъ джокъ, джангылмазлыкъ джаякъ джокъ.
- Ишлемеген – тишлемез.
- Сабийни джумушха джибер да, ызындан бар.
- Ачлыкъ отха секиртир.
- Кечеси – аяз, кюню – къыш, джарлы къаргъагъа бир аш тюш!
- Тил – миллетни джаны.
- Ауузу бла къуш тута айланады.
- Джуртун къоругъан озар.
- Ишин билген, аны сыйын чыгъарады.
- Дуния мал дунияда къалады.
- Кийим тукъум сордурур.
- Накъырданы арты керти болур.
- Биреуню эскиси биреуге джангы болмайды.
- Таш бла ургъанны, аш бла ур.
- Кёб къычыргъандан – къоркъма, тынч олтургъандан – къоркъ.
- Къызны минг тилер, бир алыр.
- Биреу къой излей, биреу той излей.
- Ана кёлю – балада, бала кёлю – талада.
- Минг тенг да азды, бир джау да кёбдю.
- Къарнынг ауруса, ауузунгу тый
- Чакъырылмагъан къонакъ – орунсуз.
- Ач да бол, токъ да бол – намысынга бек бол.
- Иги сеники эсе да, сюйген кесимикин этеме.
- Къарны аманнга къазан такъдырма, къолу аманнга от джакъдырма.
- Айран тёгюлсе, джугъусу къалыр.
- Кюл тюбюндеги от кёрюнмейди.
- Чабакъгъа акъыл, табагъа тюшсе келеди.
- Къонагъы джокъну – шоху джокъ.
- Билим къая тешер.
- Хансыз джомакъ болмаз.
- Гугук кесини атын айтыб къычыргъанча, мен, мен деб нек тураса?
- Магъанасыз сёз – тауушсуз сыбызгъы.
- Джюз элде джюз ёгюзюм болгъандан эсе, джюз джууугъум болсун.
- Артына баргъанны, къатына барма.
- Чалманны аллы къалай башланса, арты да алай барады.
- Ач, тоймам, дейди, тойгъан, ач болмам, дейди.
- Къар – келтирди, суу – элтди.
Профиль
|
|
|||