- Эрине къаргъыш этген къатын, эрнин къабар.
- Хаухну атма, ёнгкючню сатма.
- Къайтырыкъ эшигинги, къаты уруб чыкъма.
- Къарны аманнга къазан такъдырма, къолу аманнга от джакъдырма.
- Къатын къылыкъсыз, эр тынчлыкъсыз.
- Джюрек кёзден алгъа кёрюр.
- Кесине гебен этелмеген, биреуге черен эте эди.
- Адамны аты башхача, акъылы да башхады.
- Къонакъ аман болса, къонакъбай джунчур
- Билимсиз иш бармаз.
- Ашда уялгъан – мухар, ишде уялгъан – хомух.
- Ауругъаннга – кийик саулукъ, джетген къызгъа – чилле джаулукъ.
- Эр абынмай, эл танымаз.
- Ашхы адам – халкъ байлыгъы, ашхы джер – джашау байлыгъы.
- Кесинг сынамагъан затны, адамгъа буюрма.
- Кёб ант этген, кёб ётюрюк айтыр.
- Уллу суу бла уллу ауруудан башынгы сакъла.
- Абынмазлыкъ аякъ джокъ, джангылмазлыкъ джаякъ джокъ.
- Кёзден кетген, кёлден да кетеди.
- Ханы къызы буюгъа-буюгъа киштик болду.
- Ауузу бла къуш тута айланады.
- Къарыусузгъа кюлме, онгсузгъа тийме.
- Суугъа – чабакъ, къаягъа – ыргъакъ.
- Окъумагъан сокъурду, сокъур ташха абыныр!
- Кюн кёрмеген, кюн кёрсе, кюндюз чыракъ джандырыр.
- Аууздан келген, къолдан келсе, ким да патчах болур эди.
- Ётген ёмюр – акъгъан суу.
- Джангыз торгъай джырламаз.
- Кёбню кёрген – кёб билир.
- Кийимни бичсенг, кенг бич, тар этген къыйын тюлдю.
- Мухарны эси – ашарыкъда.
- Ойнай билмеген, уруб къачар.
- Къуру гыбыт бек дыгъырдар.
- Ёксюзню тилеги къабыл болур.
- Сютден ауузу кюйген, суугъа юфгюре эди.
- Кёрмегеннге кебек – танг, битмегеннге сакъал – танг.
- Байлыкъ адамны сокъур этер.
- Халкъны джырын джырласанг, халкъ санга эжиу этер.
- Тилчиден кери бол.
- Артына баргъанны, къатына барма.
- Уллу айтханны этмеген – уллаймаз.
- Къыйынлы джети элге оноу этер.
- Адам боллукъ, атламындан белгили болур.
- Аз айтсам, кёб ангылагъыз.
- Зарда марда джокъ.
- Тамчы таш тешер.
- Ариу сёз аурууунгу алыр.
- Адебни адебсизден юрен.
- Кёлю джокъну – джолу джокъ.
- Адам туугъан джеринде, ит тойгъан джеринде.
Профиль
|
|
|||