- Ойнай билмеген, оюн бузар.
- Мал тутхан – май джалар.
- Адебни адебсизден юрен.
- Акъыл къартда, джашда тюйюлдю – башдады.
- Ханнга да келеди хариблик.
- Ётюрюкню башын керти кесер.
- Азыкъ аз болса, эртде орун сал.
- Мухарны эси – ашарыкъда.
- Терслик кетер, тюзлюк джетер.
- Шекер бла туз – бир болмаз, ушамагъан – юй болмаз.
- Кёбден умут этиб, аздан къуру къалма.
- Тёрдеги кюлсе, эшикдеги ышарыр.
- Ойнаб айтсанг да, эслеб айт.
- Насыб бютеу халкъны юлюшюдю.
- Ёгюзню мюйюзюнден тутадыла, адамны сёзюнден тутадыла.
- Тойгъа барсанг, тоюб бар, эски тонунгу къоюб бар.
- Ушамагъан – джукъмаз.
- Къобан да къуру да къобханлай турмайды, адам да къуру да патчахлай турмайды.
- Аманны къуугъан, аманлыкъ табар.
- Таукел тауну аудурур.
- Кёкдеги болмаса, джердегин кёрмейди.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Кёбню кёрген – кёб билир.
- Джаным-тиним – окъуу, билим.
- Джарлыны эшигин махтагъан джабар.
- Къанны къан бла джуума, аманны аман бла къуума.
- Чомартны къолу берекет.
- Арба аугъандан сора, джол кёргюзтюучю кёб болур.
- Ётген ёмюр – акъгъан суу.
- Эки элинги тыйсанг, джети элде махталырса.
- Аджашхан тёгерек айланыр.
- Дуния аламаты сен эсенг да, игиме деб айтма.
- Аджаллыгъа окъсуз шкок атылыр.
- Керти сёзге тёре джокъ.
- Джогъун бар этген, барын бал этген.
- Ариу сёзде ауруу джокъ.
- Ашда уялгъан – мухар, ишде уялгъан – хомух.
- Эл тойса, тоймагъан, эл къойса, къоймагъан.
- Къартны сыйын кёрмеген, къартлыгъында сыйлы болмаз.
- Джырчы джырчыгъа – къарнаш.
- Байма, деб да, къууанма, джарлыма, деб да, джылама.
- Арыгъан къош чамчы болур.
- Мураты болгъанны джюрек тебюую башхады.
- Ашхылыкъ джерде джатмайды, аманлыкъ суугъа батмайды.
- Кеси юйюмде мен да ханма.
- Бети къызарыучу адамны, джюреги харам болмаз.
- Урунуу – насыбны анасы.
- Мен да «сен», дейме, сен да «кесим», дейсе.
- Къонакъны къачан кетерин сорма, къачан келлигин сор.
- Ётюрюк хапар аякъ тюбю бла джюрюйдю.
Профиль
|
|
|
|||