- Келинни – келгинчи, бёркню кийгинчи кёр.
- Тенги кёбню джау алмаз, акъылы кёбню дау алмаз.
- Къыйынлы джети элге оноу этер.
- Иги болса, тамадама – махтау, аман болса, меннге – айыб.
- Байны оноуу, джарлыгъа джарамаз.
- Сютню башын джалагъан къутулур, тюбюн ичген тутулур.
- Уруну арты – къуру.
- Иги сёз – джаннга азыкъ, аман сёз башха – къазыкъ.
- Тура эдим джата, къайдан чыкъды хата?
- Алма терегинден кери кетмез.
- Ат басханны джер билед.
- Таула не мийик болсала да, аууш табылыр.
- Тюз сёз баргъан сууну тыяр.
- Акъылсызны джууукъгъа алма, акъыллыны кенгнге салма.
- Элге къуллукъ этмеген, элге ие болмаз.
- Ойнай-ойнай кёз чыгъар.
- Тюзню ётмеги тюзде къалса да, тас болмаз.
- Джылар джаш, атасыны сакъалы бла ойнар.
- Дженгил джетерикме деб, узун джолну къоюб, къысхасын барма.
- Къонагъы джокъну – шоху джокъ.
- Акъыл сабырлыкъ берир.
- Адамны аты башхача, акъылы да башхады.
- Намысы болмагъанны, сыйы болмаз.
- Бозанг болмагъан джерге, къалагъынгы сукъма.
- Туз, гырджын аша, тюзлюк бла джаша.
- Этни да ашады, бетни да ашады.
- Ёмюрлюк шохлукъну джел элтмез.
- Битмегеннге сакъал – танг.
- Зар адамны насыбы болмаз.
- Билим къая тешер.
- Джогъун бар этген, барын бал этген.
- Атынг аманнга чыкъгъандан эсе, джанынг тамагъынгдан чыкъсын.
- Эркишиге тары кебек танг кёрюнюр.
- Ёксюзню тилеги къабыл болур.
- Сабийликде юретмесенг, уллу болса – тюзелмез.
- Ашыкъгъан cуу, тенгизге джетмез.
- Тенгинг джокъ эсе – изле, бар эсе – сакъла!
- Итли къонакъ джарашмаз.
- Гырджын – тепсини тамадасы.
- Чабакъ башындан чирийди.
- Ёгюзню мюйюзюнден тутадыла, адамны сёзюнден тутадыла.
- Мал ёлсе, сюек къалыр, адам ёлсе, иши къалыр.
- Чакъырылмагъан къонакъ – орунсуз.
- Эки къатын алгъанны къулагъы тынгнгаймаз.
- Билими азны – ауузунда кирит.
- Джылкъыдан – ат чыгъар, тукъумдан – джаш чыгъар.
- Уллу къазанда бишген эт, чий къалмаз.
- Этек чакъмакълары баш джаргъан, сёлешген сёзлери таш джаргъан.
- Булут кёкге джарашыу, уят бетге джарашыу.
- Ишни аллы бла къууанма да, арты бла къууан.
Профиль
|
|
|
|||