- Ач къалгъандан, кеч къалгъан къолай.
- Айран тёгюлсе, джугъусу къалыр.
- Байлыкъ келсе, акъыл кетер.
- Ашхы сёз таш тешер.
- Къуллукъчума, деб махтанма, къуллукъ – хаух джамчыды!
- Аджаллыгъа окъсуз шкок атылыр.
- Эринчекге кюн узун.
- Булут кёкге джарашыу, уят бетге джарашыу.
- Ашлыкъны арба юйге келтирир, чана базаргъа элтир.
- Къолунгдан къуймакъ ашатсанг да, атаны борчундан къутулмазса.
- Байлыкъ адамны сокъур этер.
- Чабакъсыз кёлге къармакъ салгъанлыкъгъа, чабакъ тутмазса.
- Хаухну атма, ёнгкючню сатма.
- Къарнынг ауруса, ауузунгу тый
- Урама да – ёледи, сатама да – келеди.
- Чомарт къонакъ юй иесин сыйлар.
- Накъырда – кертини келечиси.
- Тюзню ётмеги тюзде къалса да, тас болмаз.
- Хар зат кесини орнуна иги.
- Ойнай билмеген, оюн бузар.
- Берекет берсин деген джерде, берекет болур.
- Ата Джуртча джер болмаз, туугъан элча эл болмаз.
- Мал ёлсе, сюек къалыр, адам ёлсе, иши къалыр.
- Бичгенде ашыкъма, тикгенде ашыкъ.
- Аман адамны тепсинге олтуртсанг, къызынгы тилер.
- Кёб къычыргъандан – къоркъма, тынч олтургъандан – къоркъ.
- Сабийни джумушха джибер да, ызындан бар.
- Джырына кёре эжиую.
- Кюлме джашха – келир башха.
- Адам туугъан джеринде, ит тойгъан джеринде.
- Нафысынгы айтханын этме, намысынгы айтханын эт.
- Адам къыйынлыгъын кёлтюрюр, зауукълугъун кёлтюрмез.
- Сёз къанатсыз учар.
- Эки итни арасына сюек атма, эки адамны арасында сёз чыгъарма.
- Баш болса, бёрк табылыр.
- Ушамагъан – джукъмаз.
- Къонакъ хазыр болгъанлыкъгъа, къонакъбай хазыр тюлдю.
- Тура эдим джата, къайдан чыкъды хата?
- Кёпюр салгъан кеси ётер, уру къазгъан кеси кетер.
- Джолунга кёре – джюрюшюнг, джагъанга кёре – юлюшюнг.
- Джарашыу сюйген – джалынчакъ.
- Тойгъанлыкъ къойгъа джарашады.
- Ашхы атаны – джашы ашхы, ашхы ананы – къызы ашхы.
- Ёлюк кебинсиз къалмаз.
- Сакъ юйюне сау барыр.
- Къарт болгъан джерде, берекет болур, сабий болгъан джерде, оюн болур.
- Аман къатын алгъан, арыр, иги къатын алгъан джарыр.
- Кюн кёрмеген, кюн кёрсе, кюндюз чыракъ джандырыр.
- Сабийликде юретмесенг, уллу болса – тюзелмез.
- Кёкдеги болмаса, джердегин кёрмейди.
Профиль
|
|
|||