Эльбрусоид :: Форум

Кёкдеги болмаса, джердегин кёрмейди.
Адебсиз адам – джюгенсиз ат.
Аман адам элни бир-бирине джау этер.
Нарт сёз къарт болмаз.
Бёрю да ач къалмасын, эчки да ашалмасын.
Къая джолда джортма, ачыкъ сёзден къоркъма.
Тура эдим джата, къайдан чыкъды хата?
Чакъырылмагъан къонакъ тёрге атламаз.
Адамны сабийин сюйген джюреги, бычакъча, джитиди.
Рысхы джалгъанды: келген да этер, кетген да этер.
Сёлеш деб шай берген, тохта деб, сом берген.
Къууут – джелге, берне – бошха.
Аманны тукъумуна къарама, игини тукъумун сорма.
Игиге айтсанг – билир, аманнга айтсанг – кюлюр.
Аджалсыз ёлюм болмаз.
Юйюнг бла джау болгъандан эсе, элинг бла джау бол.
Нёгерсизни джолу узун.
Башынга джетмегенни сорма.
Джангыз торгъай джырламаз.
Аууз сакълагъан – джан сакълар.
Кийиминг бла танылма, адамлыкъ бла таныл.
Иши джокъну, сыйы джокъ.
Ариу сёзде ауруу джокъ.
Мураты болгъанны джюрек тебюую башхады.
Эркишини аманы тиширыуну джылатыр.
Окъугъан озар, окъумагъан тозар.
Керек ташны ауурлугъу джокъ.
Адеб этмеген, адеб кёрмез.
Бек анасы джыламаз.
Кёбден умут этиб, аздан къуру къалма.
Джыгъылгъанны сырты джерден тоймаз.
Бозаны арты дауур болур.
Сабийликде юретмесенг, уллу болса – тюзелмез.
Билмезни кёзю кёрмез, этмезни къулагъы эшитмез.
Келинин тута билмеген, къул этер, къызын тута билмеген, тул этер.
Агъач – джерни чырайы, кийим – эрни чырайы.
Ашына кёре табагъы, балына кёре къалагъы.
Экиндини кеч къылсанг, чабыб джетер ашхам.
Тойгъан джерге джети къайт.
Ургъан суудан башынгы сакъла.
Оюмсуз атлагъан, аджалсыз ёлюр.
Келлик заман – къартлыкъ келтирир, кетген заман – джашлыкъ ёлтюрюр.
Джашда акъыл джокъ, къартда къарыу джокъ.
Адам сёзюнден белгили.
Акъыллы башны – тили къысха.
Кёзюнде тереги болгъан, чёбю болгъаннга кюле эди.
Къар – келтирди, суу – элтди.
Орундукъ тюбюнде атылсам да, орта джиликме, де да айлан.
Ким бла джюрюсенг, аны кёзю бла кёрюнюрсе.
Азыкълы ат арымаз, къатыны аман джарымаз.

Логин:
Пароль:
	Запомнить меня на этом компьютере

Забыли свой пароль?
Регистрация