- Булут кёкге джарашыу, уят бетге джарашыу.
- Билмегенинги, билгеннге сор.
- Этни бети бла шорпасы.
- Адеб джокъда, намыс джокъ.
- Джарлыны эшигин махтагъан джабар.
- Эринчекге кюн узун.
- Къан бла кирген, джан бла чыгъар.
- Ач отунчуну ачыуу – бурнунда.
- Эки къатын алгъан – эки ташны ортасына башын салгъан.
- Джаханимни кёрмей, джандетге кёл салмазса.
- Юйлю уругъа ит чабмаз.
- Нёгер болсанг, тенг бол, тенг болмасанг, кенг бол.
- Чомартны къолун джокълукъ байлар.
- Къая джолда джортма, ачыкъ сёзден къоркъма.
- Тамбла алтындан бюгюн багъыр ашхы.
- Эте билген, этген этеди, эте билмеген, юретген этеди!
- Керти сёзге тёре джокъ.
- Эл тойса, тоймагъан, эл къойса, къоймагъан.
- Тёгюлген тюгел джыйылмайды.
- Къаллай салам берсенг, аллай джууаб алырса.
- Сабийни джумушха джибер да, ызындан бар.
- Миллетни бойну – базыкъ, аны бла кюрешген – джазыкъ.
- Халкъны юйю – туугъан джери.
- Тыш элде солтан болгъандан эсе, кесинги элде олтан болгъан игиди!
- Шапа кёб болса, аш татымсыз болур.
- Аман адам элни бир-бирине джау этер.
- Тенгинг джокъ эсе – изле, бар эсе – сакъла!
- Баргъанынга кёре болур келгенинг.
- Ургъан суудан башынгы сакъла.
- Къайгъы тюбю – тенгиз.
- Кёкдеги болмаса, джердегин кёрмейди.
- Арыгъан къош чамчы болур.
- Тик ёргени, тик энгишгеси да болады.
- Къарнынг тойгъунчу аша да, белинг талгъынчы ишле.
- Тёзгеннге, джабылгъан эшик ачылыр.
- Ашарыкъда сайлагъаннга – чий гырджын.
- Тили узунну, намысы – къысха.
- Уллу атлама – абынырса, уллу къабма – къарылырса.
- Тиширыусуз юй – отсуз от джагъа.
- Окъ къызбайны джокълайды.
- От кюйдюрген, сау болса да, тот кюйдюрген, сау болмаз.
- Ойнай билмеген, оюн бузар.
- Ёлген аслан – сау чычхан.
- Билимден уллу байлыкъ джокъду.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Мал кёб болса, джууукъ кёб болур.
- Окъуу – билимни ачхычы, окъуу – дунияны бачхычы.
- Ётюрюк хапар аякъ тюбю бла джюрюйдю.
- Башсыз урчукъ тюзюне айланмаз.
- Тойгъан джерден туугъан джер игиди.
Профиль
|
|
|||