- Эте билген, этген этеди, эте билмеген, юретген этеди!
- Намысы болмагъанны, сыйы болмаз.
- Ойнай билмеген, оюн бузар.
- Уллу сёзде уят джокъ.
- Намыс болмагъан джерде, насыб болмаз.
- Тил джюрекге джол ишлейди.
- Къуру гыбыт бек дыгъырдар.
- Сютден ауузу кюйген, суугъа юфгюре эди.
- Адамны аты башхача, акъылы да башхады.
- Джюрек кёзден алгъа кёрюр.
- Къалгъан ишге къар джауар.
- Чомартха хар кюн да байрамды.
- Нарт сёз – тилни бети.
- Бет бетге къараса, бет да джерге къарар.
- Байлыкъ келсе, акъыл кетер.
- Харам къарнашдан, халал тенг ашхы.
- Сакъ юйюне сау барыр.
- Сыфатында болмагъаны, суратында болмаз.
- Дуния аламаты сен эсенг да, игиме деб айтма.
- Айран ичген – къутулду, джугъусун джалагъан – тутулду.
- Джарлыны эшигин махтагъан джабар.
- Айтылгъан буйрукъ, сёгюлмез
- Суугъа – таянма, джаугъа – ийнанма.
- Мураты болгъанны джюрек тебюую башхады.
- Артына баргъанны, къатына барма.
- Аурууну келиую тынч, кетиую – къыйын.
- Ишге юренсин къоллары, халкъ бла болсун джоллары.
- Нафысынгы айтханын этме, намысынгы айтханын эт.
- Джетген къыз джерли эшекни танымаз.
- Уллу суу бла уллу ауруудан башынгы сакъла.
- Джаш къарыу бла кючлю, къарт акъыл бла кючлю.
- Тиширыусуз юй – отсуз от джагъа.
- Адеб джокъда, намыс джокъ.
- Тойгъан джерге джети къайт.
- Аман хансны – урлугъу кёб.
- Джуртун къоругъан озар.
- Эллинг бла джау болсанг да, юйюнг бла джау болма.
- Къартны сыйын кёрмеген, къартлыгъында сыйлы болмаз.
- Керти сёзге тёре джокъ.
- Кёкдеги болмаса, джердегин кёрмейди.
- Иесиз малны бёрю ашар.
- Башынга джетмегенни сорма.
- Бети – къучакълар, джюреги – бычакълар.
- Аз сёлешген, къайгъысыз турур.
- Джигер – джаннга къыйынлыкъ.
- Къанны къан бла джуума, аманны аман бла къуума.
- Ишлегенден, къарагъан уста.
- Бети къызарыучу адамны, джюреги харам болмаз.
- Адамны джюреги нени кёрюрге сюйсе, кёзю да аны кёрюрге ёч болады.
- Тойчу джашха къарама, къойчу джашха къара.
Профиль
|
|
|||