- Татлы тилде – сёз ариу, чемер къолда – иш ариу.
- Арбаз къынгырды да, ийнек сауалмайма.
- Аман адамны тепсинге олтуртсанг, къызынгы тилер.
- Насыб бютеу халкъны юлюшюдю.
- Дуния мал дунияда къалады.
- Къонагъынгы артмагъын алма да, алгъышын ал.
- Атлыны кёрсе, джаяуну буту талыр.
- Рысхы – сют юсюнде кёмюк кибикди.
- Ишлерге уял да, ашаргъа табма.
- Арбаз сайлама да, хоншу сайла.
- Сабий кёргенин унутмаз.
- Акъыл аздырмаз, билим тоздурмаз.
- Джахил болса анасы, не билликди баласы?
- Ауругъан – джашаудан умутчу.
- Шекер бла туз – бир болмаз, ушамагъан – юй болмаз.
- Къая джолда джортма, ачыкъ сёзден къоркъма.
- Бал чибинни ургъаны – ачы, балы – татлы.
- Терслик кетер, тюзлюк джетер.
- Ётюрюкню башын керти кесер.
- Къатын къылыкъсыз, эр тынчлыкъсыз.
- Сабыр джетер муратха, сабырсыз къалыр уятха.
- Джюрекден джюрекге джол барды.
- Азыкъ аз болса, эртде орун сал.
- Экиндини кеч къылсанг, чабыб джетер ашхам.
- Зарда марда джокъ.
- Чомартха Тейри да борчлуду.
- Биреуге аманлыкъ этиб, кесинге игилик табмазса.
- Джети тилни билген джети кишиди.
- Термилгенинги табмазса, кюлгенинге тюберсе.
- Аууздан келген, къолдан келсе, ким да патчах болур эди.
- Тай асырагъан, атха минер.
- Уясында не кёрсе, учханында аны этер.
- Тёзгеннге, джабылгъан эшик ачылыр.
- Битмегеннге сакъал – танг.
- Аякъларынгы джууургъанынга кёре узат.
- Таула не мийик болсала да, аууш табылыр.
- Ургъан суудан башынгы сакъла.
- Эли джокъну – кёлю джокъ.
- Юйюнгден чыкъдынг – кюнюнгден чыкъдынг.
- Къызны минг тилер, бир алыр.
- Билгенни къолу къарны джандырыр.
- Бал ашаргъа сюе эсенг, чибин ургъаннга тёз.
- Чыкълы кюнде чыкъмагъан, чыкъса къуру кирмеген.
- Башланнган иш битер, къымылдагъан тиш тюшер.
- Иесиз малны бёрю ашар.
- Ата Джуртун танымагъан, атасын да танымаз.
- Джигер – джаннга къыйынлыкъ.
- Нарт сёз – тилни бети.
- Аджашханны ызындагъы кёреди, джангылгъанны джанындагъы биледи.
- Къар – келтирди, суу – элтди.
Профиль
|
|
|||