- Атлыны ашхысы, ат тизгининден билинир
- Татлы тилде – сёз ариу, чемер къолда – иш ариу.
- Джиби бир къат джетмей эди да, эки къат тарта эди.
- Этни да ашады, бетни да ашады.
- Ана кёлю – балада, бала кёлю – талада.
- Кёзю сокъурдан – къоркъма, кёлю сокъурдан – къоркъ.
- Агъач – джерни чырайы, кийим – эрни чырайы.
- Ашхы тенг джолгъа салыр, аман тенг джолдан тайдырыр.
- Зарда марда джокъ.
- Ашына кёре табагъы, балына кёре къалагъы.
- Сёлеш деб шай берген, тохта деб, сом берген.
- Минг тенг да азды, бир джау да кёбдю.
- Халкъгъа джарагъан, джарлы къалмаз.
- Ёгюзню мюйюзюнден тутадыла, адамны сёзюнден тутадыла.
- Дуния мал дунияда къалады.
- Ата Джуртча джер болмаз, туугъан элча эл болмаз.
- Терслик кетер, тюзлюк джетер.
- Билген билмегенни юретген адетди.
- Билмегенинги, билгеннге сор.
- Джаз бир кюнню джатсанг, къыш талай кюнню абынырса.
- Чомарт бергенин айтмаз.
- Сыфатында болмагъаны, суратында болмаз.
- Ач отунчуну ачыуу – бурнунда.
- Чабакъ башындан чирийди.
- Ач бёрюге мекям джокъ.
- Эр абынмай, эл танымаз.
- Телиге от эт десенг, юйюнге от салыр.
- Арбаз къынгырды да, ийнек сауалмайма.
- Аш хазыр болса, иш харам болур.
- Тёзген – тёш ашар!
- Мал кёб болса, джууукъ кёб болур.
- Аджал соруб келмез, келсе, къайтыб кетмез.
- Тойгъанлыкъ къойгъа джарашады.
- Баргъанынга кёре болур келгенинг.
- Джангыз терек къынгыр ёсер.
- Кесине оноу эте билмеген, халкъына да эте билмез.
- Ачыу алгъа келсе, акъыл артха къалады.
- Ауругъаннга – кийик саулукъ, джетген къызгъа – чилле джаулукъ.
- Ётюрюкню къуйругъу – бир тутум.
- Джыгъылгъанны сырты джерден тоймаз.
- Кютгени беш эчки, сызгъыргъаны уа, джерни джарады.
- Сёз къанатсыз учар.
- Арпа, будай – ащды, алтын, кюмюш а – ташды.
- Хар ишни да аллы къыйынды.
- Байны къызы баймакъ болса да, юйде къалмаз!
- Къарнынг ауруса, ауузунгу тый
- Хансыз джомакъ болмаз.
- Къатыны харакетли болса, эри къымсыз болур.
- Ачлыкъ отха секиртир.
- Билими азны – ауузунда кирит.
Профиль
|
|
|
|||