- Гугук кесини атын айтыб къычыргъанча, мен, мен деб нек тураса?
- Башы джабылгъан челекге, кир тюшмез.
- Иги болса, тамадама – махтау, аман болса, меннге – айыб.
- Джогъун бар этген, барын бал этген.
- Бермеген къол, алмайды.
- Терек ауса, отунчу – кёб.
- Нарт сёз къарт болмаз.
- Ашда уялгъан – мухар, ишде уялгъан – хомух.
- Айраннга суу къош, телиге джол бош.
- Тил – кесген бычакъ, сёз – атылгъан окъ.
- Танг атмайма десе да, кюн къоярыкъ тюйюлдю.
- Джылыгъа джылан илешир.
- Ауурну тюбю бла, дженгилни башы бла джюрюген.
- Окъуу – билимни ачхычы, окъуу – дунияны бачхычы.
- Берекет берсин деген джерде, берекет болур.
- Гугурук къычырмаса да, тангны атары къалмаз.
- Атынг аманнга чыкъгъандан эсе, джанынг тамагъынгдан чыкъсын.
- Биреуге аманлыкъны тилеме да, кесинге ашхылыкъны тиле.
- Адамгъа аман кюн соруб келмейди.
- Бойнуму джети джерден кессенг да, мен ол ишни этеллик тюлме.
- Артына баргъанны, къатына барма.
- Ач отунчуну ачыуу – бурнунда.
- Бети бедерден, намыс сакълама.
- Ёзденликни джайгъан – джокълукъ.
- Мен да «сен», дейме, сен да «кесим», дейсе.
- Айтылгъан сёз ызына къайтмаз.
- Иги сёз – джаннга азыкъ, аман сёз башха – къазыкъ.
- Тура эдим джата, къайдан чыкъды хата?
- Хоншуну тауугъу къаз кёрюнюр, келини къыз кёрюнюр.
- Этим кетсе да, сюегим къалыр.
- Чомартны къолун джокълукъ байлар.
- Бек ашыкъгъан меннге джетсин, дегенди аракъы.
- Накъырданы арты керти болур.
- Зар адамны насыбы болмаз.
- Хантына кёре тузу, юйюне кёре къызы.
- Окъдан джара эртде-кеч болса да бителир, сёз джара, ёмюрге къалыр.
- Къазанчы аман болса, къазаны къайнамаз.
- Ариу сёз джыланны орнундан чыгъарыр.
- Уясында не кёрсе, учханында аны этер.
- Аджал соруб келмез, келсе, къайтыб кетмез.
- Тойгъа барсанг, тоюб бар, эски тонунгу къоюб бар.
- Эки къатын алгъан – эки ташны ортасына башын салгъан.
- Арбаз сайлама да, хоншу сайла.
- Билим къая тешер.
- Тик ёргени, тик энгишгеси да болады.
- Ачылгъан эт джабылыр, кёрген кёз унутмаз.
- Кёзден кетген, кёлден да кетеди.
- Юйюнг бла джау болгъандан эсе, элинг бла джау бол.
- Окъугъанны бети джарыкъ.
- Къонакъ хазыр болгъанлыкъгъа, къонакъбай хазыр тюлдю.
Профиль
|
||||