Эльбрусоид :: Форум

Кюл тюбюндеги от кёрюнмейди.
Къатын байлыкъны сюер, эр саулукъну сюер.
Сагъыш – къартлыкъгъа сюйюмчю.
Айранны сюйген, ийнек тутар.
Ач уят къоймаз.
Дженгил джетерикме деб, узун джолну къоюб, къысхасын барма.
Айраннга суу къош, телиге джол бош.
Ашхы сёз таш тешер.
Чакъырылмай келген къонакъ сыйланмай кетер.
Ата – билек, ана – джюрек!
Хар адамгъа кеси миннген тау кибик.
Къулакъдан эсе, кёзге ышан.
Къартха ушагъан джаш – акъыллы, джашха ушагъан къарт – тели.
Айран тёгюлсе, джугъусу къалыр.
Къарт бла баш аша, джаш бла аякъ аша.
Кёл – къызбай, къол – батыр.
Къызын тута билмеген, тул этер, джашын тута билмеген, къул этер.
Тюз сёз баргъан сууну тыяр.
Ауругъанны сау билмез, ач къарынны токъ билмез.
Ишни ахырын ойламай, аллын башлама.
Ариу джол аджал келтирмез.
Ёксюзню къалачы уллу кёрюнюр.
Кёбню кёрген – кёб билир.
Ёгюзню мюйюзлери ауурлукъ этмейдиле.
Тилсиз миллет джокъ болур.
Окъуу – билимни ачхычы, окъуу – дунияны бачхычы.
Термилгенинги табмазса, кюлгенинге тюберсе.
Джукъу тёшек сайламайды.
Бал ашаргъа сюе эсенг, чибин ургъаннга тёз.
Ашарыкъда сайлагъаннга – чий гырджын.
Эки ойлашыб, бир сёлешген.
Ёлмесенг да, къарт дамы болмазса?
Окъуусуз билим – джокъ, билимсиз кюнюнг – джокъ.
Ашда уялгъан – мухар, ишде уялгъан – хомух.
Келинин тута билмеген, къул этер, къызын тута билмеген, тул этер.
Ана кёлю – балада, бала кёлю – талада.
Болджал ишни бёрю ашар.
Тёрде – темир таякълы, къаяда – чыпчыкъ аякълы.
Джашынгы кесинг юретмесенг, джашау юретир.
Тойгъан джерден туугъан джер игиди.
Джырчы джырчыгъа – къарнаш.
Башы джабылгъан челекге, кир тюшмез.
Къызбайны юйюне дери сюрсенг, батыр болур.
Кёлсюзден сёзсюз тууар.
Чомартны къолу берекет.
Кёбге таш атма.
Эки итни арасына сюек атма, эки адамны арасында сёз чыгъарма.
Кесинг сынамагъан затны, адамгъа буюрма.
Эр сокъур болсун, къатын тилсиз болсун.
Ачны эсинде – аш.

Логин:
Пароль:
	Запомнить меня на этом компьютере

Забыли свой пароль?
Регистрация