- Ата Джуртун танымагъан, атасын да танымаз.
- Джылар джаш, атасыны сакъалы бла ойнар.
- Кёзню ачылгъаны – иги, ауузну джабылгъаны – иги.
- Къазанчы аман болса, къазаны къайнамаз.
- Рысхы – сют юсюнде кёмюк кибикди.
- Нафысынгы айтханын этме, намысынгы айтханын эт.
- Чабакъгъа акъыл, табагъа тюшсе келеди.
- Чомарт къонакъ юй иесин сыйлар.
- Къралынгы – душмандан, башынгы от бла суудан сакъла.
- Ашхы тенг джолгъа салыр, аман тенг джолдан тайдырыр.
- Хаухну атма, ёнгкючню сатма.
- Татлы сёз – балдан татлы.
- Агъач халкъгъа алтынды, иссиликге салкъынды.
- Аджаллыгъа окъсуз шкок атылыр.
- Тойгъа алгъа да барма, тойда артха да къалма.
- Кёб къычыргъандан – къоркъма, тынч олтургъандан – къоркъ.
- Этни бети бла шорпасы.
- Керилген да, ургъан кибикди.
- Иги сеники эсе да, сюйген кесимикин этеме.
- Алим болгъандан эсе, адам болгъан къыйынды.
- Юйлю уругъа ит чабмаз.
- Юй кюйдю да, кюйюз чыкъды, ортасындан тюйюш чыкъды.
- Тин – байлыгъынг, терен саулугъунг.
- Абынмазлыкъ аякъ джокъ, джангылмазлыкъ джаякъ джокъ.
- Джиби бир къат джетмей эди да, эки къат тарта эди.
- Мен да «сен», дейме, сен да «кесим», дейсе.
- Къарнынг бла ёч алма.
- Кёзюнде тереги болгъан, чёбю болгъаннга кюле эди.
- Уруну арты – къуру.
- Чабакъ башындан чирийди.
- Эски джаугъа ышанма.
- Эки итни арасына сюек атма, эки адамны арасында сёз чыгъарма.
- Джаш болсун, къыз болсун, акъылы, саны тюз болсун.
- Къарт айтханны этмеген, къартаймаз.
- Ариуну – ауруу кёб.
- Аш иеси бла татлыды.
- Эл элде бирер малынг болгъандан эсе, бирер тенгинг болсун.
- Джолда аягъынга сакъ бол, ушакъда тилинге сакъ бол.
- Гугурук къычырмаса да, тангны атары къалмаз.
- Кеси юйюмде мен да ханма.
- Къайгъы тюбю – тенгиз.
- Юйюнг бла джау болгъандан эсе, элинг бла джау бол.
- Джангызны оту джарыкъ джанмаз!
- Баш болса, бёрк табылыр.
- Орундукъ тюбюнде атылсам да, орта джиликме, де да айлан.
- Ётюрюк хапар аякъ тюбю бла джюрюйдю.
- Аманнга алтын чыдамаз.
- Таукел къуру къалмаз.
- Джырчы джырчыгъа – къарнаш.
- Адам боллукъ, атламындан белгили болур.
Профиль
|
|
|||