- Таукел адам тау тешер.
- Ариу сёзде ауруу джокъ.
- Шапа кёб болса, аш татымсыз болур.
- Ойнаб айтсанг да, эслеб айт.
- Ата джурт – алтын бешик.
- Ариу сёз – джаннга азыкъ, аман сёз – башха къазыкъ.
- Башланнган иш битер, къымылдагъан тиш тюшер.
- Айтылгъан буйрукъ, сёгюлмез
- Ургъан суудан башынгы сакъла.
- Къууут – джелге, берне – бошха.
- Тюзлюк шохлукъну бегитир.
- Тойгъан джерге джети къайт.
- Эки итни арасына сюек атма, эки адамны арасында сёз чыгъарма.
- Къартны бурнун сюрт да, оноугъа тут.
- Къазанда болса, чолпугъа чыгъар.
- Ёлген эшек бёрюден къоркъмайды.
- Билеги кючлю, бирни джыгъар, билими кючлю, мингни джыгъар.
- Ёлген ийнек сютлю болур.
- Ашхы сёз таш тешер.
- Сабыр джетер муратха, сабырсыз къалыр уятха.
- Тай асырагъан, атха минер.
- Чомартха Тейри да борчлуду.
- Юй кюйдю да, кюйюз чыкъды, ортасындан тюйюш чыкъды.
- Ауурну тюбю бла, дженгилни башы бла джюрюген.
- Байны къызы баймакъ болса да, юйде къалмаз!
- Айтхан – тынч, этген – къыйын.
- Таякъ этден ётер, тил сюекден ётер.
- Аууз сакълагъан – джан сакълар.
- Ачыкъ джюрекге джол – ачыкъ.
- Биреуню эскиси биреуге джангы болмайды.
- Кёб джашагъан – кёб билир.
- Ат басханны джер билед.
- Байлыкъ болгъан джерде, тынчлыкъ джокъду.
- Кёбню кёрген – кёб билир.
- Дженгил джетерикме деб, узун джолну къоюб, къысхасын барма.
- Къуллукъчума, деб махтанма, къуллукъ – хаух джамчыды!
- Ач, тоймам, дейди, тойгъан, ач болмам, дейди.
- Къыйынлы джети элни къайгъысын этер.
- Ётюрюкден тюбю джокъ, кёлтюрюрге джиби джокъ.
- Ёлмесенг да, къарт дамы болмазса?
- Билгенни къолу къарны джандырыр.
- Ханы къызы буюгъа-буюгъа киштик болду.
- Ёгюзню мюйюзюнден тутадыла, адамны сёзюнден тутадыла.
- Кесине гебен этелмеген, биреуге черен эте эди.
- Адеб этмеген, адеб кёрмез.
- Къайгъы тюбю – тенгиз.
- Уллу сёлешме да, уллу къаб.
- Ата – билек, ана – джюрек!
- Халкъны джырын джырласанг, халкъ санга эжиу этер.
- Аман адамны тепсинге олтуртсанг, къызынгы тилер.
Профиль
|
|
|
|||