- Зарда марда джокъ.
- Накъырданы арты керти болур.
- Джол бла сёзню къыйыры джокъ.
- Аман хансны – урлугъу кёб.
- Нафысынгы айтханын этме, намысынгы айтханын эт.
- Бек ашыкъгъан меннге джетсин, дегенди аракъы.
- Ёнгкюч къууана барыр, джылай келир.
- Бети къызарыучу адамны, джюреги харам болмаз.
- Адамны аты башхача, акъылы да башхады.
- Бастасын ашагъан, хантусун да ичер.
- Кёб джат да, бек чаб.
- Магъанасыз сёз – тауушсуз сыбызгъы.
- Тик ёргени, тик энгишгеси да болады.
- Ауругъанны сау билмез, ач къарынны токъ билмез.
- Узун джолну барсанг, бюгюн келирсе, къысха джолну барсанг, тамбла келирсе.
- Айтханы чапыракъдан ётмеген.
- Аз айтсам, кёб ангылагъыз.
- Чакъырылмагъан джерге барма, чакъырылгъан джерден къалма.
- Аман эсирсе, юйюн ояр.
- Аууздан келген, къолдан келсе, ким да патчах болур эди.
- Биреуню эскиси биреуге джангы болмайды.
- Къуру гыбыт бек дыгъырдар.
- Кёб джашагъан – кёб билир.
- Бек анасы джыламаз.
- Намысы джокъну – дуниясы джокъ.
- Тас болгъан бычакъны сабы – алтын.
- Чалманны аллы къалай башланса, арты да алай барады.
- Эл ауузу – элия.
- Джыйырма къойну юч джыйырма эбзе кюте эди.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Чомартха хар кюн да байрамды.
- Къызгъанчдан ычхыныр, мухардан ычхынмаз.
- Джеринден айырылгъан – джети джылар, джуртундан айырылгъан – ёлгюнчю джылар.
- Сёз садакъдан кючлюдю.
- Кюн кёрмеген, кюн кёрсе, кюндюз чыракъ джандырыр.
- Къарт айтханны этмеген, къартаймаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ёмюрлюк шохлукъну джел элтмез.
- Ашхы болсанг, атынг чыгъар, аман болсанг, джанынг чыгъар.
- Элге къуллукъ этмеген, элге ие болмаз.
- Къуллукъчума, деб махтанма, къуллукъ – хаух джамчыды!
- Башы джабылгъан челекге, кир тюшмез.
- Шапа кёб болса, аш татымсыз болур.
- Эрни эр этерик да, къара джер этерик да, тиширыуду.
- Акъыл сабырлыкъ берир.
- Тешигини къатында, чычхан да батыр болур.
- Хар зат кесини орнуна иги.
- Эшекни не къадар тюйсенг да, ат болмаз.
- Кёлсюзден сёзсюз тууар.
- Къолу уллу – асыу, аягъы уллу – джарсыу.
Профиль
|
|
|
|||