- Къарны аманнга къазан такъдырма, къолу аманнга от джакъдырма.
- Харам къарнашдан, халал тенг ашхы.
- Элде адам къалмаса, ит тахтагъа минер.
- Босагъагъа джууукъ орун болса, ашыгъыб тёрге озма.
- Ишге юренсин къоллары, халкъ бла болсун джоллары.
- Борчунг бар эсе, хурджунунга ойлаб узал.
- Джогъун бар этген, барын бал этген.
- Адам сёзюнден белгили.
- Аджалсыз ёлюм болмаз.
- Дуния мал дунияда къалады.
- Нарт сёз къарт болмаз.
- Баш – акъыл ючюн, акъылман – халкъ ючюн.
- Минг тенг да азды, бир джау да кёбдю.
- Ач бёрюге мекям джокъ.
- Тюз сёз баргъан сууну тыяр.
- Аман къатын алгъан, арыр, иги къатын алгъан джарыр.
- Тик ёргени, тик энгишгеси да болады.
- Къалгъан ишге къар джауар.
- Суу ичген шауданынга тюкюрме.
- Тёзген – тёш ашар!
- Ач отунчуну ачыуу – бурнунда.
- Ариу – кёзге, акъыл – джюрекге.
- Термилгенинги табмазса, кюлгенинге тюберсе.
- Сёз къанатсыз учар.
- Къонагъынгы артмагъын алма да, алгъышын ал.
- Намысы болмагъанны, сыйы болмаз.
- Ашыкъгъан cуу, тенгизге джетмез.
- Кёлсюзден сёзсюз тууар.
- Ат да турмайды бир териде.
- Гыдай эчки суугъа къараб, мюйюзле кёрмесе, джашма алкъын, дегенди.
- Бичгенде ашыкъма, тикгенде ашыкъ.
- Тойгъан антын унутур.
- Агъач халкъгъа алтынды, иссиликге салкъынды.
- Ач, тоймам, дейди, тойгъан, ач болмам, дейди.
- Арпа, будай – ащды, алтын, кюмюш а – ташды.
- Сууда джау джокъ, кёб сёзде магъана джокъ.
- Малны кют, джерни тюрт.
- Къоркъакъны кёзю экили кёрюр.
- Адамны адамлыгъы къыйынлыкъда айгъакъланады.
- Ургъан суудан башынгы сакъла.
- Бал ашаргъа сюе эсенг, чибин ургъаннга тёз.
- Айтылгъан буйрукъ, сёгюлмез
- Тюкюрюк баш джармаз, налат кёз чыгъармаз!
- Ишленмеклик адамлыкъды.
- Алим болгъандан эсе, адам болгъан къыйынды.
- Сабыр джетер муратха, сабырсыз къалыр уятха.
- Тилчи тилден къаныкъмаз.
- Къыйынлы джети элге оноу этер.
- Арыгъан къош чамчы болур.
- Аманнга игилик этсенг, юйюнге сау бармазса.
Профиль
|
|
|
|||