- Термилгенинги табмазса, кюлгенинге тюберсе.
- Къан бла кирген, джан бла чыгъар.
- Сёз сёзню айтдырыр.
- Аз сёлеш, кёб ишле.
- Уясында не кёрсе, учханында аны этер.
- Бетинги сатма, малынгы сат.
- Чакъырылмай келген къонакъ сыйланмай кетер.
- Байны оноуу, джарлыгъа джарамаз.
- Ачыу алгъа келсе, акъыл артха къалады.
- Аурууну келиую тынч, кетиую – къыйын.
- Ашха уста, юйюнде болсун
- Баш болса, бёрк табылыр.
- Къарнынг ауруса, ауузунгу тый
- Кеси юйюмде мен да ханма.
- Ёлюк кебинсиз къалмаз.
- Малны кют, джерни тюрт.
- Къарт бла баш аша, джаш бла аякъ аша.
- Ышармагъан – кюлмез, кюлмеген – къууанчны билмез.
- Къарт болгъан джерде, берекет болур, сабий болгъан джерде, оюн болур.
- Келлик заман – къартлыкъ келтирир, кетген заман – джашлыкъ ёлтюрюр.
- Къарт айтханны этмеген, къартаймаз.
- Мухар, кеси тойса да, кёзю тоймаз.
- Ачылгъан эт джабылыр, кёрген кёз унутмаз.
- Суу да къайтады чыкъгъан джерине.
- Окъуу – билимни ачхычы, окъуу – дунияны бачхычы.
- Нарт сёз къарт болмаз.
- Экиндини кеч къылсанг, чабыб джетер ашхам.
- Адамны аманы адамны бети бла ойнар.
- Адеб базарда сатылмаз.
- Кийимни бир кюнню аясанг, минг кюннге джарар.
- Эркишини аманы тиширыуну джылатыр.
- Аш кетер да бет къалыр.
- Айтылгъан сёз ызына къайтмаз.
- Юй ишлеген балта эшикде къалыр.
- Битмегеннге сакъал – танг.
- Ашхылыкъ джерде джатмайды, аманлыкъ суугъа батмайды.
- Айранны сюйген, ийнек тутар.
- Джети тилни билген джети кишиди.
- Орну джокъну – сыйы джокъ.
- Ачыкъ джюрекге джол – ачыкъ.
- Ашхы тенг джолгъа салыр, аман тенг джолдан тайдырыр.
- Адам боллукъ, атламындан белгили болур.
- Къарыусузгъа кюлме, онгсузгъа тийме.
- От кюйдюрген, сау болса да, тот кюйдюрген, сау болмаз.
- Джылкъыдан – ат чыгъар, тукъумдан – джаш чыгъар.
- Гугурук къычырмаса да, тангны атары къалмаз.
- Адам къаллай бир ишленмесе, аллай бир кесин уллу кёреди.
- Джарлыны эшигин махтагъан джабар.
- Ашыкъгъан cуу, тенгизге джетмез.
- Бал – татлы, балдан да бала – татлы.
Профиль
|
|
|||