- Адам къыйынлыгъын кёлтюрюр, зауукълугъун кёлтюрмез.
- Эл элде бирер малынг болгъандан эсе, бирер тенгинг болсун.
- Тюз сёз баргъан сууну тыяр.
- Къызгъанчдан ычхыныр, мухардан ычхынмаз.
- Джангыз терек къынгыр ёсер.
- Джахил болса анасы, не билликди баласы?
- Иги адам абынса да, джангылмаз.
- Эр сокъур болсун, къатын тилсиз болсун.
- Ишлемеген – тишлемез.
- Айранын берсенг, челегин да къызгъанма.
- Айтхан сёзюне табылгъан.
- Къуру гыбыт бек дыгъырдар.
- Билимден уллу байлыкъ джокъду.
- Келгинчи, къонакъ уялыр, келгенден сора, къонакъбай уялыр.
- Миллетни бойну – базыкъ, аны бла кюрешген – джазыкъ.
- Ишлерге уял да, ашаргъа табма.
- Къаллай салам берсенг, аллай джууаб алырса.
- Сёз – кюмюш, джыр – алтын.
- Хаухну атма, ёнгкючню сатма.
- Айраннга суу къош, телиге джол бош.
- Ёксюзню къалачы уллу кёрюнюр.
- Акъылсызны джууукъгъа алма, акъыллыны кенгнге салма.
- Садакъачыны джаны – къапчыгъында.
- Экеулен сёлеше тура эселе, орталарына барыб кирме.
- Ишлегенден, къарагъан уста.
- Сабыр джетер муратха, сабырсыз къалыр уятха.
- Ачылгъан эт джабылыр, кёрген кёз унутмаз.
- Танг атмайма десе да, кюн къоярыкъ тюйюлдю.
- Аллахха ийнаннган кишини, Аллах онгдурур ишин.
- Зар адамны насыбы болмаз.
- Чарсда алчыны эл кёреди.
- Ойнай билмеген, уруб къачар.
- Къарт айтханны этмеген, къартаймаз.
- Эл бла кёргенинг эрелей.
- Къоркъакъны кёзю экили кёрюр.
- Уллу атлама – абынырса, уллу къабма – къарылырса.
- Джырына кёре эжиую.
- Бир онгсуз адам адет чыгъарды, деб эштирик тюлсе.
- Чёбню кёлтюрсенг, тюбюнден сёз чыгъар.
- Азыгъы аз, алгъа къабар, аты аман, алгъа чабар.
- Ётюрюкню къуйругъу – бир тутум.
- Чалманны аллы къалай башланса, арты да алай барады.
- Ышармагъан – кюлмез, кюлмеген – къууанчны билмез.
- Мухарны эси – ашарыкъда.
- Акъыллы эркиши атын махтар, акъылсыз эркиши къатынын махтар.
- Къарнынг ауруса, ауузунгу тый
- Адам сёзюнден белгили.
- Иги – алгъыш этер, аман – къаргъыш этер.
- Кёб джашагъан – кёб билир.
- Къартны сыйын кёрмеген, къартлыгъында сыйлы болмаз.
Профиль
|
|
|||