- Эллинг бла джау болсанг да, юйюнг бла джау болма.
- Тиширыусуз юй – отсуз от джагъа.
- Бозаны арты дауур болур.
- Бозанг болмагъан джерге, къалагъынгы сукъма.
- Бойнуму джети джерден кессенг да, мен ол ишни этеллик тюлме.
- Юй ишлеген балта эшикде къалыр.
- Татлы тилде – сёз ариу, чемер къолда – иш ариу.
- Ариу сёз аурууунгу алыр.
- Эм ашхы къайын ана мамукъ бла башынгы тешер.
- Нафысынгы айтханын этме, намысынгы айтханын эт.
- Кёкдеги болмаса, джердегин кёрмейди.
- Ач къарным, тынч къулагъым.
- Джаш къарыу бла кючлю, къарт акъыл бла кючлю.
- Кёпюр салгъан кеси ётер, уру къазгъан кеси кетер.
- Насыб бютеу халкъны юлюшюдю.
- Байлыкъ адамны сокъур этер.
- Билим ат болуб да чабар, къуш болуб да учар.
- Кесинге джетмегенни, кёб сёлешме.
- Болджал ишни бёрю ашар.
- Намысы болмагъанны, сыйы болмаз.
- Тынгылагъан тынгы бузар.
- Аджалсыз ёлюм болмаз.
- Ач да бол, токъ да бол – намысынга бек бол.
- Окъугъан озар, окъумагъан тозар.
- Итли къонакъ джарашмаз.
- Кюл тюбюндеги от кёрюнмейди.
- Адебсиз адам – джюгенсиз ат.
- Ойнаб айтсанг да, эслеб айт.
- Къарны аманнга къазан такъдырма, къолу аманнга от джакъдырма.
- Джюз элде джюз ёгюзюм болгъандан эсе, джюз джууугъум болсун.
- Хар зат кесини орнуна иги.
- Джаз бир кюнню джатсанг, къыш талай кюнню абынырса.
- Эки итни арасына сюек атма, эки адамны арасында сёз чыгъарма.
- Бек анасы джыламаз.
- Чомартха хар кюн да байрамды.
- Къобан да къуру да къобханлай турмайды, адам да къуру да патчахлай турмайды.
- Алтыннга тот къонмаз.
- Билимсиз иш бармаз.
- Ауругъаннга – кийик саулукъ, джетген къызгъа – чилле джаулукъ.
- Танг атмайма десе да, кюн къоярыкъ тюйюлдю.
- Уруну арты – къуру.
- Адамны джюреги нени кёрюрге сюйсе, кёзю да аны кёрюрге ёч болады.
- Олтуруб кёрюнмей эди да, ёрге туруб кёрюне эди.
- Окъугъан – асыу, окъумагъан – джарсыу.
- «Ёгюз, джаргъа джууукъ барма, меннге джюк боллукъса», - дегенди эшек.
- Къозулугъунда тоймагъан, къойлугъунда тоймаз.
- Атлыны ашхысы, ат тизгининден билинир
- Къыз чыгъаргъан – къызыл къымжа.
- Тура эдим джата, къайдан чыкъды хата?
- Джюрекге ариу – кёзге да ариу.
Профиль
|
|
|
|||