- Акъыл аздырмаз, билим тоздурмаз.
- Кенгеш болса, уруш болмаз.
- Ётюрюк хапар аякъ тюбю бла джюрюйдю.
- Аджашханны ызындагъы кёреди, джангылгъанны джанындагъы биледи.
- Чакъырылгъанны аты, чакъырылмагъанны багъасы болур.
- Бал чибинни ургъаны – ачы, балы – татлы.
- Къарын къуру болса, джюрек уру болур.
- Алтыннга тот къонмаз.
- Айыбны суу бла джууалмазса.
- Ач отунчуну ачыуу – бурнунда.
- Башы ишлегенни, ауузу да ишлер.
- Эл тойса, тоймагъан, эл къойса, къоймагъан.
- Джерни букъусу кёкге къонмаз.
- Намысы джокъну – дуниясы джокъ.
- Ариу – кёзге, акъыл – джюрекге.
- Ёлген ийнек сютлю болур.
- Къонагъы джокъну – шоху джокъ.
- Аманнга алтын чыдамаз.
- Къозулугъунда тоймагъан, къойлугъунда тоймаз.
- Эки элинги тыйсанг, джети элде махталырса.
- Ачлыкъда тары гырджын халыуадан татлы.
- Джыгъылгъанны сырты джерден тоймаз.
- Бет бетге къараса, бет да джерге къарар.
- Алгъанда – джууукъ, бергенде – джау.
- Сыфатында болмагъаны, суратында болмаз.
- Чыбыкълыкъда бюгюлмеген, къазыкълыкъда бюгюлмей эди.
- Джумушакъ терекни къурт ашар.
- Акъыллы башны – тили къысха.
- Нафысынгы айтханын этме, намысынгы айтханын эт.
- Сормай – алма, чакъырылмай – барма.
- Чалманны аллы къалай башланса, арты да алай барады.
- Тай асырагъан, атха минер.
- Терек ауса, отунчу – кёб.
- Тенгинг джокъ эсе – изле, бар эсе – сакъла!
- Ач – эснер, ат – кишнер.
- Ашхы болсанг, атынг чыгъар, аман болсанг, джанынг чыгъар.
- Билмезни кёзю кёрмез, этмезни къулагъы эшитмез.
- Ётюрюкню къуйругъу – бир тутум.
- Тулпарлыкъ, билекден тюл – джюрекден.
- Къайгъы тюбю – тенгиз.
- Бир онгсуз адам адет чыгъарды, деб эштирик тюлсе.
- Онгсузну – джакъла, тенгликни – сакъла.
- Ашха уста, юйюнде болсун
- Ёмюрлюк шохлукъну джел элтмез.
- Адам боллукъ, атламындан белгили болур.
- Аякъларынгы джууургъанынга кёре узат.
- Экиндини кеч къылсанг, чабыб джетер ашхам.
- Мадар болса, къадар болур.
- Сескекли кесин билдирир.
- Эрни эр этерик да, къара джер этерик да, тиширыуду.
Профиль
|
|
|
|||