- Кёл – къызбай, къол – батыр.
- Ата Джуртуму башы болмасам да, босагъасында ташы болайым.
- Эки итни арасына сюек атма, эки адамны арасында сёз чыгъарма.
- Этим кетсе да, сюегим къалыр.
- Ётюрюкчюню шагъаты – къатында.
- Садакъачыны джаны – къапчыгъында.
- Джаш къарыу бла кючлю, къарт акъыл бла кючлю.
- Ёксюзню къалачы уллу кёрюнюр.
- Джолда аягъынга сакъ бол, ушакъда тилинге сакъ бол.
- Джырчы джырчыгъа – къарнаш.
- Бир онгсуз адам адет чыгъарды, деб эштирик тюлсе.
- Ачыкъ джюрекге джол – ачыкъ.
- Адамны сыфатына къарама, сёзюне къара.
- Акъылсызны джууукъгъа алма, акъыллыны кенгнге салма.
- Къайтырыкъ эшигинги, къаты уруб чыкъма.
- Элге къуллукъ этмеген, элге ие болмаз.
- Терек ауса, отунчу – кёб.
- Къонакъ болсанг, ийнакъ бол.
- Адеб этмеген, адеб кёрмез.
- Сёз сёзню айтдырыр.
- Бермеген къол, алмайды.
- Аш иеси бла татлыды.
- Окъ къызбайны джокълайды.
- Адамны адамлыгъы къыйынлыкъда айгъакъланады.
- Байны оноуу, джарлыгъа джарамаз.
- Адебсиз адам – джюгенсиз ат.
- Чалманны аллы къалай башланса, арты да алай барады.
- Аман адамны тепсинге олтуртсанг, къызынгы тилер.
- Бичгенде ашыкъма, тикгенде ашыкъ.
- Мал тутхан – май джалар.
- Эски джаугъа ышанма.
- Иши джокъну, сыйы джокъ.
- Тура эдим джата, къайдан чыкъды хата?
- Кюн – узун, ёмюр – къысха.
- Ишленмеген джаш – джюгенсиз ат, ишленмеген къыз – тузсуз хант.
- Кесинг сынамагъан затны, адамгъа буюрма.
- Тил джюрекге джол ишлейди.
- Абынмазлыкъ аякъ джокъ, джангылмазлыкъ джаякъ джокъ.
- Ач да бол, токъ да бол – намысынга бек бол.
- Ач къалгъандан, кеч къалгъан къолай.
- Биреу ашаб къутулур, биреу джалаб тутулур.
- Бал – татлы, балдан да бала – татлы.
- Сабыр джетер муратха, сабырсыз къалыр уятха.
- Окъдан джара эртде-кеч болса да бителир, сёз джара, ёмюрге къалыр.
- Чомарт къолда мал къалмаз.
- Ариу сёз аурууунгу алыр.
- Кюн кёрмеген, кюн кёрсе, кюндюз чыракъ джандырыр.
- Ашхы сёз таш тешер.
- Орну джокъну – сыйы джокъ.
- Берекет берсин деген джерде, берекет болур.
Профиль
|
||||