- Кёлсюзден сёзсюз тууар.
- Джылкъыдан – ат чыгъар, тукъумдан – джаш чыгъар.
- Биреуню къыйынлыгъы бла кесинге джол ишлеме.
- Эр абынмай, эл танымаз.
- Кёб джашагъан – кёб билир.
- Терек ауса, отунчу – кёб.
- Къатын къылыкъсыз, эр тынчлыкъсыз.
- Ёлюр джаннга, ёкюл джокъ.
- Сабий болмагъан джерде, мёлек болмаз.
- Тешигини къатында, чычхан да батыр болур.
- Арыгъан къош чамчы болур.
- Ауузу бла къуш тута айланады.
- Адамны бетине къарама, адетине къара.
- Ашхы тенг джолгъа салыр, аман тенг джолдан тайдырыр.
- Тойгъан джерден туугъан джер игиди.
- Ариу джол аджал келтирмез.
- Къошда джокъгъа – юлюш джокъ.
- Айтханы чапыракъдан ётмеген.
- Хантына кёре тузу, юйюне кёре къызы.
- Къыз келсе, джумуш эте келеди, къатын келсе, ушакъ эте келеди.
- Мухар, кеси тойса да, кёзю тоймаз.
- Мал ёлсе, сюек къалыр, адам ёлсе, иши къалыр.
- Садакъачыны джаны – къапчыгъында.
- Къонакъ хазыр болгъанлыкъгъа, къонакъбай хазыр тюлдю.
- Тай асырагъан, атха минер.
- Азыгъы аз, алгъа къабар, аты аман, алгъа чабар.
- Тюз сёз баргъан сууну тыяр.
- Сакъалы текени да бар, мыйыгъы киштикни да бар.
- Тёрени джагъы джокъ.
- Сёз садакъдан кючлюдю.
- Аман адамны тепсинге олтуртсанг, къызынгы тилер.
- Къонакъ аз олтурур, кёб сынар.
- Эм ашхы къайын ана мамукъ бла башынгы тешер.
- Джарлы джети элни сёзюн этер.
- Билим насыб берир, билим джолну керир.
- Тилчи тилден къаныкъмаз.
- Кёб ант этген, кёб ётюрюк айтыр.
- Окъугъанны бети джарыкъ.
- Аман хансны – урлугъу кёб.
- Дуния мал дунияда къалады.
- Биреу къой излей, биреу той излей.
- Ёлген эшек бёрюден къоркъмайды.
- Ушамагъан – джукъмаз.
- Чомартны къолун джокълукъ байлар.
- Адамны адамлыгъы къыйынлыкъда айгъакъланады.
- Уллу къазанда бишген эт, чий къалмаз.
- Кёл – къызбай, къол – батыр.
- Окъ къызбайны джокълайды.
- Мухарны эси – ашарыкъда.
- Джаралыны джастыгъында сау ёлюр.
Профиль
|
||||