- Тенги кёбню джау алмаз, акъылы кёбню дау алмаз.
- Юй ишлеген балта эшикде къалыр.
- Башы ишлегенни, ауузу да ишлер.
- Намыс болмагъан джерде, насыб болмаз.
- Ашатыргъа иш – ашхы, ишлетирге аш – ашхы.
- Аякъларынгы джууургъанынга кёре узат.
- Аман къатын сабий табса, бий болур…
- Тили узунну, намысы – къысха.
- Айырылгъанланы айю ашар, бёлюннгенлени бёрю ашар.
- Тюзлюк тас болмайды.
- Магъанасыз сёз – тауушсуз сыбызгъы.
- Окъуу – билимни ачхычы, окъуу – дунияны бачхычы.
- Къонакъ хазыр болгъанлыкъгъа, къонакъбай хазыр тюлдю.
- Бюгюн дуния кибик, тамбла ахыратды.
- Кесине гебен этелмеген, биреуге черен эте эди.
- Ата джурт – алтын бешик.
- Билим ат болуб да чабар, къуш болуб да учар.
- Ашда – бёрю, ишде – ёлю.
- Кийиминг бла танылма, адамлыкъ бла таныл.
- Кеси юйюмде мен да ханма.
- Джылар джаш, атасыны сакъалы бла ойнар.
- Этни бети бла шорпасы.
- Эрни эр этерик да, къара джер этерик да, тиширыуду.
- Экеулен сёлеше тура эселе, орталарына барыб кирме.
- Ариу сёзде ауруу джокъ.
- Аманны тукъумуна къарама, игини тукъумун сорма.
- Кийимни бичсенг, кенг бич, тар этген къыйын тюлдю.
- Дуния малгъа сатылма, кесингден телиге къатылма.
- Джумушакъ сёз къаты таякъны сындырыр.
- Ауузу аманнга «иги», деме.
- Къыйынлы джети элге оноу этер.
- Атлыны ашхысы, ат тизгининден билинир
- Адамны аманы адамны бети бла ойнар.
- Акъыллы башны – тили къысха.
- Къайтырыкъ эшигинги, къаты уруб чыкъма.
- Джылыгъа джылан илешир.
- Акъыл бла адеб эгизледиле.
- Кюн – узун, ёмюр – къысха.
- Джюз элде джюз ёгюзюм болгъандан эсе, джюз джууугъум болсун.
- Аууз сакълагъан – джан сакълар.
- Ач къарным, тынч къулагъым.
- Тюзлюк шохлукъну бегитир.
- Агъач – джерни чырайы, кийим – эрни чырайы.
- Сёз – кюмюш, джыр – алтын.
- Агъач халкъгъа алтынды, иссиликге салкъынды.
- Нёгерсизни джолу узун.
- Зар адамны насыбы болмаз.
- Ашда уялгъан – мухар, ишде уялгъан – хомух.
- Атадан ёксюз – бир ёксюз, анадан ёксюз – эки ёксюз.
- Юй кюйдю да, кюйюз чыкъды, ортасындан тюйюш чыкъды.
Профиль
|
|
|
|||