- Ауузу аманнга «иги», деме.
- Айраннга суу къош, телиге джол бош.
- Уллу сёлешме да, уллу къаб.
- Аллахха ийнаннган кишини, Аллах онгдурур ишин.
- Азыкълы ат арымаз, къатыны аман джарымаз.
- Ат да турмайды бир териде.
- Аманны эки битли тону болур, бирин сеннге кийдирир, бирин кеси киер.
- Ауругъаннга – кийик саулукъ, джетген къызгъа – чилле джаулукъ.
- Къанны къан бла джуума, аманны аман бла къуума.
- Тили узунну, намысы – къысха.
- Ач отунчуну ачыуу – бурнунда.
- Джырчы джырчыгъа – къарнаш.
- Эте билген, этген этеди, эте билмеген, юретген этеди!
- Джыгъылгъанны сырты джерден тоймаз.
- Адам туугъан джеринде, ит тойгъан джеринде.
- Аманнга игилик этсенг, юйюнге сау бармазса.
- Айран тёгюлсе, джугъусу къалыр.
- Окъ къызбайны джокълайды.
- Накъырданы арты керти болур.
- Къазанчы аман болса, къазаны къайнамаз.
- Тин – байлыгъынг, терен саулугъунг.
- Шекер бла туз – бир болмаз, ушамагъан – юй болмаз.
- Тау башында, тау болмаз, джангыз терек, бау болмаз.
- Тик ёргени, тик энгишгеси да болады.
- Сескекли кесин билдирир.
- Таукел адам тау тешер.
- Намыс болмагъан джерде, насыб болмаз.
- Иги болса, тамадама – махтау, аман болса, меннге – айыб.
- Кёлю джокъну – джолу джокъ.
- Джюз элде джюз ёгюзюм болгъандан эсе, джюз джууугъум болсун.
- Башы джабылгъан челекге, кир тюшмез.
- Ичимден чыкъды хата, къайры барайым сата?
- Эки къатын алгъан – эки ташны ортасына башын салгъан.
- Кёзню ачылгъаны – иги, ауузну джабылгъаны – иги.
- Тёгюлген тюгел джыйылмайды.
- Джогъун бар этген, барын бал этген.
- Джахил болса анасы, не билликди баласы?
- Эл ауузу – элек, анга ийнаннган – халек.
- Аман адамны тепсинге олтуртсанг, къызынгы тилер.
- Рысхы джалгъанды: келген да этер, кетген да этер.
- Сагъышы джокъ – джукъучу, акъылы джокъ – къаугъачы.
- Билими азны – ауузунда кирит.
- Чакъырылмагъан къонакъ – орунсуз.
- Ёмюрлюк шохлукъну джел элтмез.
- Ишлегенде эринме, ишде чолакъ кёрюнме.
- Къатыны харакетли болса, эри къымсыз болур.
- Джангызны оту джарыкъ джанмаз!
- Шайтан алдады, тюзлюк къаргъады.
- Къазанны башы ачыкъ болса, итге уят керекди.
- Адам боллукъ, атламындан белгили болур.
Профиль
|
|
|||