Эльбрусоид :: Форум

Туз, гырджын аша, тюзлюк бла джаша.
Эрине къаргъыш этген къатын, эрнин къабар.
Намыс сатылыб алынмайды.
Иги – алгъыш этер, аман – къаргъыш этер.
Насыблы элин сюер, насыбсыз кесин сюер.
Чомарт къонакъ юй иесин сыйлар.
Къатыны харакетли болса, эри къымсыз болур.
Байлыкъдан саулукъ ашхыды.
Кеси юйюмде мен да ханма.
Аджашхан тёгерек айланыр.
Чакъырылмагъан джерге барма, чакъырылгъан джерден къалма.
Окъумагъан сокъурду, сокъур ташха абыныр!
Эл бла кёргенинг эрелей.
Сакъалы текени да бар, мыйыгъы киштикни да бар.
Алма терегинден кери кетмез.
Къазанны башы ачыкъ болса, итге уят керекди.
Ат басханны джер билед.
Иги бла джюрюсенг, джетерсе муратынга, аман бла джюрюсенг, къалырса уятха.
Къонакъ аман болса, къонакъбай джунчур
Джеринден айырылгъан – джети джылар, джуртундан айырылгъан – ёлгюнчю джылар.
Байны оноуу, джарлыгъа джарамаз.
Джылыгъа джылан илешир.
Акъыл бла адеб эгизледиле.
Къуллукъчума, деб махтанма, къуллукъ – хаух джамчыды!
Джангыз торгъай джырламаз.
Къыз келсе, джумуш эте келеди, къатын келсе, ушакъ эте келеди.
Ашха уста, юйюнде болсун
Къыз тиширыу кеси юйюнде да къонакъды.
Билим ат болуб да чабар, къуш болуб да учар.
Оюмсуз атлагъан, аджалсыз ёлюр.
Байлыкъ тауусулур, билим тауусулмаз.
Къууут – джелге, берне – бошха.
Джаным-тиним – окъуу, билим.
Эринчекни аурууу – кёб.
Керти сёзге тёре джокъ.
От этилмеген джерден тютюн чыкъмайды.
Эрни эр этерик да, къара джер этерик да, тиширыуду.
Джол бла сёзню къыйыры джокъ.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Босагъа таш юйге кирмей эди, тыбыр таш эшикге чыкъмай эди.
Иесиз малны бёрю ашар.
Рысхы – насыбха къор.
Ишни аллы бла къууанма да, арты бла къууан.
Тенги кёбню джау алмаз, акъылы кёбню дау алмаз.
Игини сыйлагъан адетди.
Тамчы таш тешер.
Ашхы атаны – джашы ашхы, ашхы ананы – къызы ашхы.
Джарлы джети элни сёзюн этер.
Къарны аманнга къазан такъдырма, къолу аманнга от джакъдырма.
Сабийни джумушха джибер да, ызындан бар.

Логин:
Пароль:
	Запомнить меня на этом компьютере

Забыли свой пароль?
Регистрация