- Бек ашыкъгъан меннге джетсин, дегенди аракъы.
- Биреуню эскиси биреуге джангы болмайды.
- Зарда марда джокъ.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Бет бетге къараса, бет да джерге къарар.
- Окъугъан озар, окъумагъан тозар.
- Чёбню кёлтюрсенг, тюбюнден сёз чыгъар.
- Тёрени джагъы джокъ.
- Джаралыны джастыгъында сау ёлюр.
- Элиб деген, элге болушур.
- Ашатыргъа иш – ашхы, ишлетирге аш – ашхы.
- Айтылгъан буйрукъ, сёгюлмез
- Тойгъандан сора, ашны сёкме.
- Аллахдан тилесенг, кёб тиле.
- Ёксюзню тилеги къабыл болур.
- Джиби бир къат джетмей эди да, эки къат тарта эди.
- Чомарт къонакъ юй иесин сыйлар.
- Этни бети бла шорпасы.
- Аурууну келиую тынч, кетиую – къыйын.
- Тили узунну, намысы – къысха.
- Сабий болмагъан джерде, мёлек болмаз.
- Адамны сабийин сюйген джюреги, бычакъча, джитиди.
- Тойчу джашха къарама, къойчу джашха къара.
- Адамгъа аман кюн соруб келмейди.
- Орну джокъну – сыйы джокъ.
- Бозаны арты дауур болур.
- Кюн кёрмеген, кюн кёрсе, кюндюз чыракъ джандырыр.
- Ана – юйню кюн джарыгъы.
- Окъумагъан сокъурду, сокъур ташха абыныр!
- Юйлю уругъа ит чабмаз.
- Юй кюйдю да, кюйюз чыкъды, ортасындан тюйюш чыкъды.
- Таякъ этден ётер, тил сюекден ётер.
- Ётюрюк хапар аякъ тюбю бла джюрюйдю.
- Адебсиз адам – джюгенсиз ат.
- Телиге от эт десенг, юйюнге от салыр.
- Экиндини кеч къылсанг, чабыб джетер ашхам.
- Мал тутхан – май джалар.
- Джахил болса анасы, не билликди баласы?
- Кёбге таш атма.
- Абынмазлыкъ аякъ джокъ, джангылмазлыкъ джаякъ джокъ.
- Бети – къучакълар, джюреги – бычакълар.
- Тил бла келеди джыр да.
- Аман къатын алгъан, арыр, иги къатын алгъан джарыр.
- Гугурук къычырмаса да, тангны атары къалмаз.
- Къолу уллу – асыу, аягъы уллу – джарсыу.
- Ат басханны джер билед.
- Джылыгъа джылан илешир.
- Баш болса, бёрк табылыр.
- Малны кют, джерни тюрт.
- Кёзю сокъурдан – къоркъма, кёлю сокъурдан – къоркъ.
Профиль
|
inakafasadru
 Эльбрусоид
Баллов: 0
Регистрация: 20.06.2018
Последний визит: 20.06.2018 22:09:32
|
|
||||||
|
|
|
||||||