- Ач отунчуну ачыуу – бурнунда.
- Кесинг сынамагъан затны, адамгъа буюрма.
- Къонакъ кёб келюучю юйню, къазаны отдан тюшмез.
- Сибиртки да сыйлы болду, кюрек да кюнлю болду.
- Джюрекге ариу – кёзге да ариу.
- Мухардан ач ычхынмаз.
- Ишни ахырын ойламай, аллын башлама.
- Аджалсыз ёлюм болмаз.
- Байма, деб да, къууанма, джарлыма, деб да, джылама.
- Тюзлюк шохлукъну бегитир.
- Эшекге миннген – биринчи айыб, андан джыгъылгъан – экинчи айыб.
- Зарда марда джокъ.
- Джукъу тёшек сайламайды.
- Кёб къычыргъандан – къоркъма, тынч олтургъандан – къоркъ.
- Башсыз урчукъ тюзюне айланмаз.
- Эри аманны, къатыны – аман.
- Къайгъыны сюйген, къайгъы табар.
- Эм уллу байлыкъ – джан саулукъ.
- Кюлме джашха – келир башха.
- Айтылгъан буйрукъ, сёгюлмез
- Намысы болмагъанны, сыйы болмаз.
- Билимли ёлмез, билимсиз кёрмез.
- Итли къонакъ джарашмаз.
- Бюгюн дуния кибик, тамбла ахыратды.
- Гыдай эчки суугъа къараб, мюйюзле кёрмесе, джашма алкъын, дегенди.
- Эл ауузу – элия.
- Джыгъылгъанны сырты джерден тоймаз.
- Билим ат болуб да чабар, къуш болуб да учар.
- Ётюрюк хапар аякъ тюбю бла джюрюйдю.
- Джарлыны тону джаз битер.
- Онгсузну – джакъла, тенгликни – сакъла.
- Махтаннган къыз, тойда джукълар.
- Эте билген, этген этеди, эте билмеген, юретген этеди!
- Джырчы джырчыгъа – къарнаш.
- Бети бедерден, намыс сакълама.
- Къыйынлы джети элге оноу этер.
- Къоркъакъны кёзю экили кёрюр.
- Сангырау къулакъ эл бузар.
- Кюн кёрмеген, кюн кёрсе, кюндюз чыракъ джандырыр.
- Ауурну тюбю бла, дженгилни башы бла джюрюген.
- Кёб джат да, бек чаб.
- Билеги кючлю, бирни джыгъар, билими кючлю, мингни джыгъар.
- Биреуню эскиси биреуге джангы болмайды.
- Алим болгъандан эсе, адам болгъан къыйынды.
- Адамны аманы адамны бети бла ойнар.
- Сакъалы текени да бар, мыйыгъы киштикни да бар.
- Биреу ашаб къутулур, биреу джалаб тутулур.
- Эрни эр этерик да, къара джер этерик да, тиширыуду.
- Къарны аманнга къазан такъдырма, къолу аманнга от джакъдырма.
- Ёлген аслан – сау чычхан.
Профиль
|
|
|||