- Огъурлуну сёзю – суу, огъурсузну сёзю – уу.
- Тамбла алтындан бюгюн багъыр ашхы.
- Магъанасыз сёз – тауушсуз сыбызгъы.
- Тура эдим джата, къайдан чыкъды хата?
- Атлыны ашхысы, ат тизгининден билинир
- Агъач – джерни чырайы, кийим – эрни чырайы.
- Эл ауузу – элия.
- Айранын берсенг, челегин да къызгъанма.
- Уллу сёлешме да, уллу къаб.
- Ат да турмайды бир териде.
- Чакъырылгъанны аты, чакъырылмагъанны багъасы болур.
- Агъач халкъгъа алтынды, иссиликге салкъынды.
- Уллу суу бла уллу ауруудан башынгы сакъла.
- Чёбню кёлтюрсенг, тюбюнден сёз чыгъар.
- Сабыр джетер муратха, сабырсыз къалыр уятха.
- Джуртун къоругъан озар.
- Билмейме деген – бир сёз
- Билим къая тешер.
- Къаллай салам берсенг, аллай джууаб алырса.
- Джыйырма къойну юч джыйырма эбзе кюте эди.
- Аз сёлеш, кёб ишле.
- Аман къатын алгъан, арыр, иги къатын алгъан джарыр.
- Адамны джюреги нени кёрюрге сюйсе, кёзю да аны кёрюрге ёч болады.
- Гыдай эчки суугъа къараб, мюйюзле кёрмесе, джашма алкъын, дегенди.
- Тил джюрекге джол ишлейди.
- Чакъырылмай келген къонакъ сыйланмай кетер.
- Дуния аламаты сен эсенг да, игиме деб айтма.
- Этим кетсе да, сюегим къалыр.
- Аджалсыз ёлюм болмаз.
- Ашда – бёрю, ишде – ёлю.
- Адеб базарда сатылмаз.
- Джол бла сёзню къыйыры джокъ.
- Ариу сёзде ауруу джокъ.
- Иги джашны ышаны – аз сёлешиб, кёб тынгылар.
- От кюйдюрген, сау болса да, тот кюйдюрген, сау болмаз.
- Онгсузну – джакъла, тенгликни – сакъла.
- Урама да – ёледи, сатама да – келеди.
- Накъырданы арты керти болур.
- Насыблы элин сюер, насыбсыз кесин сюер.
- Акъыллы – эл иеси, тели – эл баласы.
- Ач къарынны, токъ билмез
- Нарт сёз – тилни бети.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Джангыз терек къынгыр ёсер.
- Кийимни бичсенг, кенг бич, тар этген къыйын тюлдю.
- Чомартха Тейри да борчлуду.
- Кёб джашагъан – кёб билир.
- Аз сёлешген, къайгъысыз турур.
- Сёлеш деб шай берген, тохта деб, сом берген.
- Акъыл бла адеб эгизледиле.
Профиль
|
|
|
|||