- Кийиминг бла танылма, адамлыкъ бла таныл.
- Аз айтсам, кёб ангылагъыз.
- Ауузу аманнга «иги», деме.
- Хантына кёре тузу, юйюне кёре къызы.
- Чабакъ башындан чирийди.
- Тойгъан антын унутур.
- Кесинге джетмегенни, кёб сёлешме.
- Кюлме джашха – келир башха.
- Кечеси – аяз, кюню – къыш, джарлы къаргъагъа бир аш тюш!
- Душманны тышы – акъ, ичи – къара.
- Агъач халкъгъа алтынды, иссиликге салкъынды.
- Иши джокъну, сыйы джокъ.
- Билмегенинги, билгеннге сор.
- Чомарт къонакъ юй иесин сыйлар.
- Ойнай билмеген, оюн бузар.
- Уллу айтханны этмеген – уллаймаз.
- Къоркъакъны кёзю экили кёрюр.
- Терек ауса, отунчу – кёб.
- Кёбге таш атма.
- Тилчиден кери бол.
- Бал чибинни ургъаны – ачы, балы – татлы.
- Мураты болгъанны джюрек тебюую башхады.
- Къобан да къуру да къобханлай турмайды, адам да къуру да патчахлай турмайды.
- Босагъагъа джууукъ орун болса, ашыгъыб тёрге озма.
- Этек чакъмакълары баш джаргъан, сёлешген сёзлери таш джаргъан.
- Минг тенг да азды, бир джау да кёбдю.
- Кёбню кёрген – кёб билир.
- Ойнаб айтсанг да, эслеб айт.
- Илму – джашауну джолу.
- Суу кетер, таш къалыр.
- Акъыл неден да кючлюдю.
- Иги адамны бир сёзю эки болмаз.
- Джети тилни билген джети кишиди.
- Таугъа чыгъаллыкъ эсенг, тюзде къалма.
- Киштикге къанат битсе, чыпчыкъ къалмаз эди.
- Миллетни бойну – базыкъ, аны бла кюрешген – джазыкъ.
- Мухар, кеси тойса да, кёзю тоймаз.
- Рысхы – сют юсюнде кёмюк кибикди.
- Бичгенде ашыкъма, тикгенде ашыкъ.
- Арбаз сайлама да, хоншу сайла.
- Ач къарным, тынч къулагъым.
- Огъурлуну сёзю – суу, огъурсузну сёзю – уу.
- Ким бла джюрюсенг, аны кёзю бла кёрюнюрсе.
- Шекер бла туз – бир болмаз, ушамагъан – юй болмаз.
- Аз сёлешген, къайгъысыз турур.
- Мени джылытмагъан кюн, меннге тиймесин!
- Къызбайны юйюне дери сюрсенг, батыр болур.
- Къонакъ болсанг, ийнакъ бол.
- Чомарт джарлы болмаз.
- Тилсиз миллет джокъ болур.
Профиль
|
|
|
|||