- Адамны сабийин сюйген джюреги, бычакъча, джитиди.
- Ишленмеген джаш – джюгенсиз ат, ишленмеген къыз – тузсуз хант.
- Аман адам этегингден тутса, кес да къач.
- Кюн – узун, ёмюр – къысха.
- Джан саулукъ бермей, сан саулукъ бермезсе.
- Ауругъан – джашаудан умутчу.
- Къонакъ аман болса, къонакъбай джунчур
- Тин – байлыгъынг, терен саулугъунг.
- Чабакъ башындан чирийди.
- Билим ат болуб да чабар, къуш болуб да учар.
- Мал кёб болса, джууукъ кёб болур.
- Аман къатын сабий табса, бий болур…
- Чарсда алчыны эл кёреди.
- Келинин тута билмеген, къул этер, къызын тута билмеген, тул этер.
- Аз сёлеш, кёб ишле.
- Къатын къылыкъсыз, эр тынчлыкъсыз.
- Сагъышы джокъ – джукъучу, акъылы джокъ – къаугъачы.
- Экиндини кеч къылсанг, чабыб джетер ашхам.
- Къолу уллу – асыу, аягъы уллу – джарсыу.
- Телиге от эт десенг, юйюнге от салыр.
- Тойгъанлыкъ къойгъа джарашады.
- Джангыз терек къынгыр ёсер.
- Кийиминг бла танылма, адамлыкъ бла таныл.
- Игиге айтсанг – билир, аманнга айтсанг – кюлюр.
- Хантына кёре тузу, юйюне кёре къызы.
- Къартны сыйын кёрмеген, къартлыгъында сыйлы болмаз.
- Ишленмеклик адамлыкъды.
- Чыкълы кюнде чыкъмагъан, чыкъса къуру кирмеген.
- Къарт айтханны этмеген, къартаймаз.
- Кенгеш болса, уруш болмаз.
- Башы ишлегенни, ауузу да ишлер.
- Эски джаугъа ышанма.
- Ач къарынны, токъ билмез
- Сагъыш – къартлыкъгъа сюйюмчю.
- Баргъанынга кёре болур келгенинг.
- Эм уллу байлыкъ – джан саулукъ.
- Ишни ахырын ойламай, аллын башлама.
- Алма терегинден кери кетмез.
- Тиширыусуз юй – отсуз от джагъа.
- Байлыкъ келсе, акъыл кетер.
- Хар ишни да аллы къыйынды.
- Адебсиз адам – джюгенсиз ат.
- Эркиши – от, тиширыу – суу.
- Бет бетге къараса, бет да джерге къарар.
- Эл тойса, тоймагъан, эл къойса, къоймагъан.
- Чабар ат – джетген къыз.
- Мен да «сен», дейме, сен да «кесим», дейсе.
- Татлы тилде – сёз ариу, чемер къолда – иш ариу.
- Ичимден чыкъды хата, къайры барайым сата?
- Нарт сёз – тилни бети.
Профиль
|
|
|||