- Ариу сёз аурууунгу алыр.
- Атадан ёксюз – бир ёксюз, анадан ёксюз – эки ёксюз.
- Тамчы таш тешер.
- Ата Джуртуму башы болмасам да, босагъасында ташы болайым.
- «Ёгюз, джаргъа джууукъ барма, меннге джюк боллукъса», - дегенди эшек.
- Уллу сёлешме да, уллу къаб.
- Садакъачыны джаны – къапчыгъында.
- Намысы джокъну – дуниясы джокъ.
- Сыфатында болмагъаны, суратында болмаз.
- Биреу ашаб къутулур, биреу джалаб тутулур.
- Тил – миллетни джаны.
- Суугъа – таянма, джаугъа – ийнанма.
- Ачлыкъ отха секиртир.
- Къарт болгъан джерде, берекет болур, сабий болгъан джерде, оюн болур.
- Сормай – алма, чакъырылмай – барма.
- Билимли ёлмез, билимсиз кёрмез.
- Аш хазыр болса, иш харам болур.
- Ачыу алгъа келсе, акъыл артха къалады.
- Ач къалгъандан, кеч къалгъан къолай.
- Азыкълы ат арымаз, къатыны аман джарымаз.
- Джаш къарыу бла кючлю, къарт акъыл бла кючлю.
- Уруну арты – къуру.
- Билмегенинги, билгеннге сор.
- Джылар джаш, атасыны сакъалы бла ойнар.
- Мураты болгъанны джюрек тебюую башхады.
- Къазанны башы ачыкъ болса, итге уят керекди.
- Адамны бетине къарама, адетине къара.
- Душманны тышы – акъ, ичи – къара.
- Гугурук къычырмаса да, тангны атары къалмаз.
- Таякъ этден ётер, тил сюекден ётер.
- Джашны джигитлиги сорулур, къызны джигерлиги сорулур.
- Аман къатын алгъан, арыр, иги къатын алгъан джарыр.
- Къарнынг бла ёч алма.
- Эртде тургъан джылкъычыны эркек аты тай табар.
- Ата Джуртун танымагъан, атасын да танымаз.
- Иги сёз – джаннга азыкъ, аман сёз башха – къазыкъ.
- Сууда джау джокъ, кёб сёзде магъана джокъ.
- Туз, гырджын аша, тюзлюк бла джаша.
- Ачыкъ джюрекге джол – ачыкъ.
- Къая джолда джортма, ачыкъ сёзден къоркъма.
- Татлы тилде – сёз ариу, чемер къолда – иш ариу.
- Баргъанынга кёре болур келгенинг.
- Ёлген ийнек сютлю болур.
- Тойчу джашха къарама, къойчу джашха къара.
- Ашхы болсанг, атынг чыгъар, аман болсанг, джанынг чыгъар.
- Уллу айтханны этмеген – уллаймаз.
- Гырджын – тепсини тамадасы.
- Хунаны тюбюн къазсанг, юсюнге ауар.
- Ашхы тенг джолгъа салыр, аман тенг джолдан тайдырыр.
- Къонакъ кёб келюучю юйню, къазаны отдан тюшмез.
Профиль
|
|
|
|||