- Айыбны суу бла джууалмазса.
- Аманнга игилик этсенг, юйюнге сау бармазса.
- Кёпюр салгъан кеси ётер, уру къазгъан кеси кетер.
- Къарыусузгъа кюлме, онгсузгъа тийме.
- Азыгъы аз, алгъа къабар, аты аман, алгъа чабар.
- Тилчи бир сагъатха айлыкъ хата этер.
- Минг тенг да азды, бир джау да кёбдю.
- Къоркъакъны кёзю экили кёрюр.
- Иесиз малны бёрю ашар.
- Тиширыусуз юй – отсуз от джагъа.
- Ашлыкъ – бюртюкден, джюн – тюкден.
- Джылыгъа джылан илешир.
- Ёгюзню мюйюзюнден тутадыла, адамны сёзюнден тутадыла.
- Ашатыргъа иш – ашхы, ишлетирге аш – ашхы.
- Аманны къуугъан, аманлыкъ табар.
- Сёз къанатсыз учар.
- Баш болса, бёрк табылыр.
- Къыйынлы джети элге оноу этер.
- Къартны бурнун сюрт да, оноугъа тут.
- Дженгил джетерикме деб, узун джолну къоюб, къысхасын барма.
- Сибиртки да сыйлы болду, кюрек да кюнлю болду.
- Кийим тукъум сордурур.
- Чомарт джарлы болмаз.
- Айтылгъан сёз ызына къайтмаз.
- Нафысынгы айтханын этме, намысынгы айтханын эт.
- Урама да – ёледи, сатама да – келеди.
- Мал тутхан – май джалар.
- Билген билмегенни юретген адетди.
- Чыкълы кюнде чыкъмагъан, чыкъса къуру кирмеген.
- Таугъа чыгъаллыкъ эсенг, тюзде къалма.
- Терек ауса, отунчу – кёб.
- Джарашыу сюйген – джалынчакъ.
- Адам къаллай бир ишленмесе, аллай бир кесин уллу кёреди.
- Насыб бютеу халкъны юлюшюдю.
- Къарнынг бла ёч алма.
- Тойну къарнашы – харс, джырны къарнашы – эжиу.
- Ётюрюк хапар аякъ тюбю бла джюрюйдю.
- Ауругъаннга – кийик саулукъ, джетген къызгъа – чилле джаулукъ.
- Агъач халкъгъа алтынды, иссиликге салкъынды.
- Тилчиден кери бол.
- Эм ашхы къайын ана мамукъ бла башынгы тешер.
- Эр абынмай, эл танымаз.
- Джаралыны джастыгъында сау ёлюр.
- Джарлы джети элни сёзюн этер.
- Ауузу бла къуш тута айланады.
- Гитче джилтин уллу элни джандырыр.
- Ач – эснер, ат – кишнер.
- Сакъ юйюне сау барыр.
- Джашда акъыл джокъ, къартда къарыу джокъ.
- Джырына кёре эжиую.
Профиль
|
|
|
|||