- Кенгеш болса, уруш болмаз.
- Тюзлюк тас болмайды.
- Билим ат болуб да чабар, къуш болуб да учар.
- Айранын берсенг, челегин да къызгъанма.
- Ётюрюкден тюбю джокъ, кёлтюрюрге джиби джокъ.
- Уруну арты – къуру.
- Чакъырылмагъан къонакъ тёрге атламаз.
- Джашынгы кесинг юретмесенг, джашау юретир.
- Кийимни бичсенг, кенг бич, тар этген къыйын тюлдю.
- Башланнган иш битер, къымылдагъан тиш тюшер.
- Ханнга да келеди хариблик.
- Адеб этмеген, адеб кёрмез.
- Ашхы сёз таш тешер.
- Биреуню эскиси биреуге джангы болмайды.
- Кёзюнде тереги болгъан, чёбю болгъаннга кюле эди.
- Кеси юйюмде мен да ханма.
- Иги сеники эсе да, сюйген кесимикин этеме.
- Гырджын – тепсини тамадасы.
- Келлик заман – къартлыкъ келтирир, кетген заман – джашлыкъ ёлтюрюр.
- Чалманны аллы къалай башланса, арты да алай барады.
- Насыблы элин сюер, насыбсыз кесин сюер.
- Ашатыргъа иш – ашхы, ишлетирге аш – ашхы.
- Хар ишни да аллы къыйынды.
- Этек чакъмакълары баш джаргъан, сёлешген сёзлери таш джаргъан.
- Адамны бетине къарама, адетине къара.
- Эртде тургъан джылкъычыны эркек аты тай табар.
- Аууздан келген, къолдан келсе, ким да патчах болур эди.
- Ариу сёз джыланны орнундан чыгъарыр.
- Терек ауса, отунчу – кёб.
- Итли къонакъ джарашмаз.
- Ач – эснер, ат – кишнер.
- Таукелге нюр джауар.
- Джаш болсун, къыз болсун, акъылы, саны тюз болсун.
- Шайтан алдады, тюзлюк къаргъады.
- Къарнынг бла ёч алма.
- Къайгъыны сюйген, къайгъы табар.
- Джаш къарыу бла кючлю, къарт акъыл бла кючлю.
- Къолунгдан къуймакъ ашатсанг да, атаны борчундан къутулмазса.
- Окъуусуз билим – джокъ, билимсиз кюнюнг – джокъ.
- Аллахха ийнаннган кишини, Аллах онгдурур ишин.
- Къарын къуру болса, джюрек уру болур.
- Адам къаллай бир ишленмесе, аллай бир кесин уллу кёреди.
- Джахил болса анасы, не билликди баласы?
- Джырчы ёлсе, джыры къалыр.
- Тёгюлген тюгел джыйылмайды.
- Биреу къой излей, биреу той излей.
- Эрни эр этерик да, къара джер этерик да, тиширыуду.
- Окъдан джара эртде-кеч болса да бителир, сёз джара, ёмюрге къалыр.
- Къатын къылыкъсыз, эр тынчлыкъсыз.
- Арыгъан къош чамчы болур.
Профиль
|
|
|||