- Тёгюлген тюгел джыйылмайды.
- Къатыны харакетли болса, эри къымсыз болур.
- Баш болса, бёрк табылыр.
- Урунуу – насыбны анасы.
- Хоншуну тауугъу къаз кёрюнюр, келини къыз кёрюнюр.
- Айырылмаз джууугъунга, унутмаз сёзню айтма.
- Тил – кесген бычакъ, сёз – атылгъан окъ.
- Кюлме джашха – келир башха.
- Къонакъ хазыр болгъанлыкъгъа, къонакъбай хазыр тюлдю.
- Окъумагъан сокъурду, сокъур ташха абыныр!
- Акъыллы айтыр эди, акъылсыз къоймайды.
- Джаз бир кюнню джатсанг, къыш талай кюнню абынырса.
- Алгъанда – джууукъ, бергенде – джау.
- Игини сыйлагъан адетди.
- Босагъагъа джууукъ орун болса, ашыгъыб тёрге озма.
- Сескекли кесин билдирир.
- Аман адам этегингден тутса, кес да къач.
- Эки элинги тыйсанг, джети элде махталырса.
- Намысы джокъну – дуниясы джокъ.
- Къыйынлы джети элге оноу этер.
- Тешигини къатында, чычхан да батыр болур.
- Тюзлюк тас болмайды.
- Бетинги сатма, малынгы сат.
- Ауузу бла къуш тута айланады.
- Терек ауса, отунчу – кёб.
- Джаралыны джастыгъында сау ёлюр.
- Акъыллы – эл иеси, тели – эл баласы.
- Аш берме да, къаш бер.
- Агъач – джерни чырайы, кийим – эрни чырайы.
- Сыфатында болмагъаны, суратында болмаз.
- Ёлмесенг да, къарт дамы болмазса?
- Ариу сёз – джаннга азыкъ, аман сёз – башха къазыкъ.
- Къарны аманнга къазан такъдырма, къолу аманнга от джакъдырма.
- Уллу атлама – абынырса, уллу къабма – къарылырса.
- Билмегенинги, билгеннге сор.
- Кютгени беш эчки, сызгъыргъаны уа, джерни джарады.
- Нёгерсизни джолу узун.
- Бек ашыкъгъан меннге джетсин, дегенди аракъы.
- Сакъ юйюне сау барыр.
- Къайтырыкъ эшигинги, къаты уруб чыкъма.
- Кийим тукъум сордурур.
- Атлыны кёрсе, джаяуну буту талыр.
- Ауругъан – джашаудан умутчу.
- Ёпкелегенни ашы татлы болады.
- Хантына кёре тузу, юйюне кёре къызы.
- Айыбны суу бла джууалмазса.
- Гырджын – тепсини тамадасы.
- Керти сёзге тёре джокъ.
- Билимден уллу байлыкъ джокъду.
- Джаханимни кёрмей, джандетге кёл салмазса.
Профиль
|
wladlenberestnew
 Эльбрусоид
Баллов: 0
Регистрация: 18.10.2017
Последний визит: 18.10.2017 21:58:46
|
|
||||||||
|
|
|
||||||||