- Адеб этмеген, адеб кёрмез.
- Чакъырылмагъан къонакъ тёрге атламаз.
- Таукел адам тау тешер.
- Кийимни бир кюнню аясанг, минг кюннге джарар.
- Ишленмеклик адамлыкъды.
- Джюрекден джюрекге джол барды.
- Сууда джау джокъ, кёб сёзде магъана джокъ.
- Кесинге джетмегенни, кёб сёлешме.
- Сютню башын джалагъан къутулур, тюбюн ичген тутулур.
- Тешик этген тынчды, аны джамагъан къыйынды.
- Ат да турмайды бир териде.
- Ашына кёре табагъы, балына кёре къалагъы.
- Къарнынг ауруса, ауузунгу тый
- Къар – келтирди, суу – элтди.
- Чомартха Тейри да борчлуду.
- Эл элде бирер малынг болгъандан эсе, бирер тенгинг болсун.
- Аууз сакълагъан – джан сакълар.
- Гитче джилтин уллу элни джандырыр.
- Асхат ашлыкъ сата, юйдегиси ачдан къата.
- Тенги кёбню джау алмаз, акъылы кёбню дау алмаз.
- Тил – миллетни джаны.
- Юре билмеген ит, къонакъ келтирир.
- Билмейме деген – бир сёз
- Джырчы джырчыгъа – къарнаш.
- Кёпюр салгъан кеси ётер, уру къазгъан кеси кетер.
- Акъыллы – эл иеси, тели – эл баласы.
- Аш берме да, къаш бер.
- Башы джабылгъан челекге, кир тюшмез.
- Иги – алгъыш этер, аман – къаргъыш этер.
- Акъылсызны джууукъгъа алма, акъыллыны кенгнге салма.
- Бичгенде ашыкъма, тикгенде ашыкъ.
- Аманны эки битли тону болур, бирин сеннге кийдирир, бирин кеси киер.
- Къан бла кирген, джан бла чыгъар.
- Аманнга игилик этсенг, юйюнге сау бармазса.
- Джыгъылгъанны сырты джерден тоймаз.
- Эркишини аманы тиширыуну джылатыр.
- Ханнга да келеди хариблик.
- Уллу къашыкъ эрин джыртар.
- Ач къарным, тынч къулагъым.
- Алма терегинден кери кетмез.
- Акъыл аздырмаз, билим тоздурмаз.
- Итли къонакъ джарашмаз.
- Биреуге аманлыкъ этиб, кесинге игилик табмазса.
- Дуния мал дунияда къалады.
- Суугъа – чабакъ, къаягъа – ыргъакъ.
- Адамны аманы адамны бети бла ойнар.
- Эри аманны, къатыны – аман.
- Сангырау къулакъ эл бузар.
- Алим болгъандан эсе, адам болгъан къыйынды.
- Ашлыкъны арба юйге келтирир, чана базаргъа элтир.
Профиль
|
|
|||