- Нарт сёз къарт болмаз.
- Арбаз сайлама да, хоншу сайла.
- Тилчи тилден къаныкъмаз.
- Тюзлюк тас болмайды.
- Ишлегенден, къарагъан уста.
- Джаралыны джастыгъында сау ёлюр.
- Бир абыннган – минг сюрюнюр.
- Къалгъан ишге къар джауар.
- Къонакъ болсанг, ийнакъ бол.
- Къанны къан бла джуума, аманны аман бла къуума.
- Джашынгы кесинг юретмесенг, джашау юретир.
- Арбаз къынгырды да, ийнек сауалмайма.
- Къыз тиширыу кеси юйюнде да къонакъды.
- Ач къарынны, токъ билмез
- Экиндини кеч къылсанг, чабыб джетер ашхам.
- Ёнгкюч къууана барыр, джылай келир.
- Урама да – ёледи, сатама да – келеди.
- Джукъу тёшек сайламайды.
- Сёлеш деб шай берген, тохта деб, сом берген.
- Чомарт бергенин айтмаз.
- Кийиминг бла танылма, адамлыкъ бла таныл.
- Эм ашхы къайын ана мамукъ бла башынгы тешер.
- Баш болса, бёрк табылыр.
- Джаным-тиним – окъуу, билим.
- Ёксюзню тилеги къабыл болур.
- Джумушакъ терекни къурт ашар.
- Адеб джокъда, намыс джокъ.
- Сормай – алма, чакъырылмай – барма.
- Айтханы чапыракъдан ётмеген.
- Къошда джокъгъа – юлюш джокъ.
- Бермеген къол, алмайды.
- Къаллай салам берсенг, аллай джууаб алырса.
- Ханы къызы буюгъа-буюгъа киштик болду.
- Къарт айтханны этмеген, къартаймаз.
- Аманнга да, игиге да оноусуз къатышма.
- Алтыннга тот къонмаз.
- Адамны бетине къарама, адетине къара.
- Билимден уллу байлыкъ джокъду.
- Дууулдаса – бал чибин, къонса – къара чибин.
- Ат басханны джер билед.
- Ётюрюкню къуйругъу – бир тутум.
- Эм уллу байлыкъ – джан саулукъ.
- Биреу ашаб къутулур, биреу джалаб тутулур.
- Бёрю да ач къалмасын, эчки да ашалмасын.
- Къыз чыгъаргъан – къызыл къымжа.
- Башы ишлегенни, ауузу да ишлер.
- Орну джокъну – сыйы джокъ.
- Иги сёз – джаннга азыкъ, аман сёз башха – къазыкъ.
- Кёзню ачылгъаны – иги, ауузну джабылгъаны – иги.
- Сабий болмагъан джерде, мёлек болмаз.
Профиль
|
||||